اسلام آباد: حکومت نے پاکستان مسلم لیگ (ن) کے قائد میاں نواز شریف کو سفارتی پاسپورٹ جاری کر دیا ہے۔

ذمہ دار ذرائع کے مطابق سابق وزیراعظم میاں نواز شریف کوسفارتی پاسپورٹ وزارت خارجہ کی حتمی منظوری کے بعد جاری کیا گیا ہے۔

ذرائع کے مطابق نواز شریف کو سفارتی پاسپورٹ آئندہ پانچ سال کے لئے جاری کیا گیا ہے، پاسپورٹ اینڈ امیگریشن کے آفس سے سفارتی پاسپورٹ میاں نواز شریف کو بھجوایا دیا گیا ہے۔

ذمہ دار ذرائع کے مطابق سابق وزیراعظم میاں نواز شریف کا سفارتی پاسپورٹ اشتہاری ہونے پر سابق حکومت نے منسوخ کردیا تھا۔

Advertisements

واضح رہے کہ موجودہ وفاقی حکومت ن لیگ کے قائد میاں نواز شریف عام پاسپورٹ پہلے ہی جاری کرچکی ہے۔