• صفحہ اول
  • /
  • خبریں
  • /
  • ہندی فلم “نائیک” کی کاپی،دسویں جماعت کی طالبہ ایک دن کی ڈپٹی کمشنر بن گئی

ہندی فلم “نائیک” کی کاپی،دسویں جماعت کی طالبہ ایک دن کی ڈپٹی کمشنر بن گئی

ڈپٹی کمشنر فیصل آباد عمران شیخ نے بھارتی فلم نائیک میں پیش کئے گئے ایک دن کے وزیر اعلیٰ کے خیال کو حقیقت کا رنگ دیتے ہوئے طلبا و طالبات کو ایک دن کا ڈپٹی کمشنر بننے کا موقع فراہم کردیا۔

ڈی سی فیصل آباد نے اس منفرد اقدام کے لیے نصابی و ہم نصابی سرگرمیوں پر مشتمل مقابلوں کا انعقاد کرکے جیتنے والے کو ایک دن کا اعزازی ڈپٹی کمشنر بنانے کا اعلان کیا تو طلبا و طالبات کی بڑی تعداد نے مقابلوں میں شرکت کی۔

ان مقابلوں میں 10ویں جماعت کی طالبہ مروا بسرا نے نمایا کارکردگی دکھا کر فیصل آباد کی تاریخ کی پہلی بار کم عمر ترین “ڈپٹی کمشنر” ہونے کا اعزاز حاصل کرلیا۔

ایک دن کی اعزازی ڈپٹی کمشنر نے شاہانہ پروٹوکول سے دن کا آغاز کیا سرکاری گاڑی میں گھر سےدفتر پہنچیں۔

دفترپہنچنے پر ڈپٹی کمشنر عمران شیخ نے استقبال کیا اور پولیس کے دسنے سلامی پیش کی۔

اعزازی ڈپٹی کمشنر نے اجلاس کی صدارت کی، اسکول کے دورے کئے، کمشنر اور آر پی او سے ملاقاتیں کیں اور ساتھ ہی دبنگ فیصلے بھی کئے۔

واضح رہے کہ مروا بسرا نے نصابی سرگرمیوں میں 1072 نمبر حاصل کئے اور مصوری میں صوبائی اور تقریری مقابلوں میں ضلعی سطح پر پہلی پوزیشن حاصل کرکے نمایا رہیں اور میرٹ کی بنیاد پر یہ اعزاز اپنے نام کیا۔

مروا بسرا مستقبل میں سی ایس ایس کرکے حقیقت میں اس کرسی کو اپنا بنانے کی خواہاں ہیں۔

اس موقع پر ڈپٹی کمشنر عمران شیخ نے بتایا کہ کوویڈ 19 کے بعد بچوں کو دوباہ نصابی و ہم نصابی سرگرمیوں کی جانب لانے کے لیے سابق کمشنر ثاقب منان سے تبادلہ خیال کرتے ہوئے اس مقابلے کا آئیڈیا آیا۔

Advertisements
julia rana solicitors london

ان کا کہنا ہے کہ اس طرح بچوں کو ایک بار پھر تعلیمی سرگرمیوں کی جانب راغب ہونے میں مدد فراہم ہوگی۔

  • merkit.pk
  • julia rana solicitors london
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply