• صفحہ اول
  • /
  • خبریں
  • /
  • تحریکِ انصاف کا آج اسلام آبادسے احتجاج شروع کرنیکا اعلان

تحریکِ انصاف کا آج اسلام آبادسے احتجاج شروع کرنیکا اعلان

تحریک انصاف نے آج سے اسلام آباد میں احتجاج کا اعلان کر دیا۔

وفاقی دارالحکومت کے داخلی و خارجی راستے بند کرنے کے خلاف حکومت نے کریک ڈاؤن کا فیصلہ کیا ہے۔

ذرائع کے مطابق قانون نافذ کرنے والے اداروں کا رات گئے اہم اجلاس ہوا، جس میں ممکنہ راستوں کی بندش کے حوالے سے اہم فیصلے کیے گئے ۔ پی ٹی آئی کے اہم رہنماؤں کے خلاف کریک ڈاؤن کا فیصلہ کیا گیا ہے۔

پرویز خٹک، شیخ راشد شفیق، عامر کیانی، علی امین گنڈا پور اور ملک عامر ڈوگر سمیت دیگر رہنماؤں کو گرفتار کیا جائے گا۔ اجلاس میں فیصلہ کیا گیا ہے کہ اسلام آباد ایئر پورٹ تک روڈ بند کرنے والوں کے خلاف فوری کارروائی ہو گی۔

سیکیورٹی اداروں کے اجلاس میں یہ فیصلہ بھی کیا گیا کہ اسلام آباد ایئر پورٹ روڈ کو کسی بھی طرح بند نہیں کیا جا سکتا۔ رینجرز، ایف سی اور پولیس مارچ کرے گی ۔

دوسری جانب ترجمان اسلام آباد پولیس نے خبر دار کیا ہے کہ اسلام آباد میں بلا اجازت احتجاج کرنے والوں کے خلاف کارروائی عمل میں لائی جائے گی۔

اسلام آباد پولیس کا کہنا ہے کہ جن سیاسی کارکنان کی شناخت اور مقدمات درج ہیں ان کی گرفتاری کے لیے کارروائی کر رہے ہیں۔

Advertisements
julia rana solicitors london

ترجمان کے مطابق اسلام آباد ایئرپورٹ کے راستے کھلے رکھے جائیں گے، قانون نافذ کرنے والے ادارے راستوں کی نگرانی کریں گے، سفر شروع کرنے سے پہلے شاہراہوں کی صورتحال جاننے کیلئے پکار 15 پر کال کریں۔

  • merkit.pk
  • julia rana solicitors london
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply