شوکت خانم کے باہر سے مشکوک شخص گرفتار کر لیا گیا

لاہور: شوکت خانم اسپتال کے باہر سے پولیس نے مشکوک شخص کو حراست میں لے لیا ہے۔

مشکوک شخص کو پولیس ڈالے میں بٹھا کر لے گئی، پولیس کا کہنا ہے کہ مشکوک شخص کا تعلق رائیونڈ سے ہے، مشتبہ شخص اسپتال کے باہر کھڑی گاڑی کو مبینہ طور ہر کھولنے کی کوشش کر رہا تھا۔

فواد چودھری، ذلفی بخاری ، عمران اسماعیل ،عثمان بزدار، شاہ محمود قریشی بھی شوکت خانم اسپتال پہنچ گئے ہیں، پی ٹی آئی رہنماوں کی جانب سے چیئرمین عمران خان کی عیادت کی گئی۔

لاہو رجناح اسپتال کے میڈیکو لیگل کی ٹیم شوکت خانم اسپتال پہنچ گئی ہے، ٹیم میں ایچ او ڈی فارنزک فرحت سلطانہ، جنرل سرجن کامران چودھری ، آرتھوپیڈک سجاد گورائیہ شامل ہیں۔
ذرائع کے مطابق عمران خان کا میڈیکو لیگل ورک مکمل کر لیا گیا ہے، عمران خان کی ہڈی فریکچر ہونے سے محفوظ رہی ہے۔
اسپتال انتظامیہ کے مطابق عمران خان کی دونوں ٹانگوں میں ایک ایک گولی لگی ہے دائیں ٹانگ پرگولی چھوکر گزری جبکہ دوسری گولی نےبائیں ٹانگ کی ہڈی کومتاثرکیا۔

دوسری جانب وزیر آباد میں لانگ مارچ میں زیراستعمال کنٹینر سیل کر دیا گیا ہے، جس کے بعد جائے وقو عہ سےشواہد اکٹھے کیے جارہے ہیں، ، پنجاب فرانزک سائنس ایجنسی اور قانون نافذ کرنے والے ادارے مصروف عمل ہیں، امن و امان کے قیام کے لیے پولیس کی بھاری نفری اللہ والا چوک پر موجود ہے۔

پولیس، فرانزک اور دیگر اداروں کی جانب سے شواہد اکھٹے کرنے کے ساتھ تحقیقات جاری ہیں، تفتیشی ذرائع کے مطابق عمران خان پر حملہ کرنے والا ملزم مکمل تیاری کے ساتھ آیا تھا، ملزم نوید اور گھر والوں سے بھی تحقیقات جاری ہیں، جائے وقوعہ سے ملنے والے خول اور ویڈیوز کا جائزہ لیا جا رہا ہے، ملزم کی جانب سے حملے کے لیے نائن ایم ایم پستول استعمال کی گئی۔

ملزم سے پستول، میگزین اور 16 گولیاں برآمد ہوئیں، وقوعہ سے ملنے والے 9 خول نائن ایم ایم اور 2 دیگر اسلحہ کے ہیں، ملنے والے 9خول نیچے سے اوپر فائر کیے گئے، ابتدائی تفتیش کے مطابق ملزم کے گھر والے حملے سے ناواقف تھے۔

جاں بحق نوجوان معظم ملزم کو پکڑنے کی کوشش کر رہا تھا، جس کے باعث معظم کےسر میں گولی لگی، جس سے وہ موقع پر جاں بحق ہوا ہو گیا۔

Advertisements
julia rana solicitors

واقعے میں 13 افراد زخمی ہوئے ہیں، پولیس کے مطابق فیصل جاوید گولیاں لگنے سے زخمی افراد میں شامل نہیں۔

  • julia rana solicitors london
  • julia rana solicitors
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply