• صفحہ اول
  • /
  • خبریں
  • /
  • پاکستان میں جانوروں کا نظام ہے، شہباز شریف نے اربوں لوٹے، رانا ثنا اللہ نے 18 قتل کیے، عمران خان

پاکستان میں جانوروں کا نظام ہے، شہباز شریف نے اربوں لوٹے، رانا ثنا اللہ نے 18 قتل کیے، عمران خان

سادھوکی: چیئرمین پاکستان تحریک انصاف عمران خان نے کہا ہے کہ آج پاکستان میں انسانوں کا نہیں جانوروں کا نظام ہے، شہباز شریف نے اربوں روپے لوٹے، رانا ثنا اللہ نے 18 قتل کیے

سابق وزیراعظم عمران خان نے یہ بات لانگ مارچ کے شرکا سے سادھوکی میں خطاب کرتے ہوئے کہی۔ اس موقع پر اسد عمر، فیصل جاوید اور فواد چودھری سمیت دیگر رہنما بھی موجود تھے۔

انہوں نے کہا کہ انسانوں اور جانوروں کے معاشرے میں ایک فرق ہوتا ہے، جانوروں کے معاشرے میں انصاف نہیں ہوتا جب کہ انسانوں کے معاشرے میں انصاف ہوتا ہے، اگر انسانوں کے معاشرے میں انصاف نہ ہو تو وہ جانوروں کا معاشرہ بن جاتا ہے۔

عمران خان نے کہا کہ آپ کے سامنے پاکستان بدل رہا ہے، یہاں چوروں اور ڈاکووں کو ہم پر مسلط کیا گیا ہے، انہوں نے مہنگائی سے عوام کی کمر توڑ دی ہے، اربوں روپے دے کر لوگوں کے ضمیر خریدے گئے ہیں۔

چیئرمین پی ٹی آئی نے کہا کہ پاکستان کے شہریوں پر اس طرح تشدد کیا گیا جیسے وہ کوئی دہشت گرد ہیں، اعظم سواتی کے ساتھ جو کیا گیا اس پر شرم آنی چاہئے، اعظم سواتی پر پوتی اور پوتیوں کے سامنے تشدد کیا گیا۔

Advertisements
julia rana solicitors

لانگ مارچ کے شرکا سے خطاب کرتے ہوئے عمران خان نے کہا کہ رانا ثنااللہ نے 18 قتل کیے، شہباز شریف نے اربوں روپے لوٹے، آصف زرداری اس ملک کی سب سے بڑی بیماری ہے اور یہ سب اس ملک کے مجرم ہیں۔

  • merkit.pk
  • julia rana solicitors london
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply