عمران خان کے دیوانے اور جوشیلے انصافی نے محاورے کو پورا کرتے ہوئے حقیقتاً سر پر کفن باندھ کر لانگ مارچ میں شرکت کی۔
ٹوئٹرپروائرل ویڈیو سرتاپا کفن باندھے ویڈیوبنوانے والا کارکن لانگ مارچ کو خونی قراردینے والے فیصل واوڈا سے مخاطب ہوکر باور کروارہا ہے کہ، ”آپ رات کو نشے میں فرما رہے تھے کہ لانگ مارچ میں خون ہی خون ہوگا اور لاشیں ہی لاشیں ہوں گی، تو ہم نےاپنے ملک کے لئے سروں پرکفن باندھ لیا ہے“۔
کارکن کا کہنا ہے کہ وہ جوش و جذبے کے ساتھ اپنے لیڈرکی کال پرمارچ میں شریک ہوں گے کیونکہ لیڈر نے بتایا ہے کہ گزشتہ 75 سال میں یہ ملک غلام تھا اور ہمیں اسے حقیقی آزادی دلوانی ہے۔
لیڈرکے زیرسایہ جان مال سب قربان کرنے کے دعویدارپی ٹی آئی کارکن نے عمران خان کو خداکا واسطہ دیتے ہوئے پیغام دیا کہ ،”پیسے والوں کے پیچھے نہ پڑجائیں، آپ کو خود نہیں پتہ کہ آپ کتنے بڑے برانڈ ہیں، پیسا آپ کے پیچھے بھاگتا ہے“۔
عمران خان سے گہری انسیت کااظہارکرنے والے نے یہ یقین دہانی بھی کروائی کہ چیئرمین پی ٹی آئی کارکنوں کو اپنے ساتھ رکھیں تو ان کی وفا میں کمی نہیں پائیں گے۔
Facebook Comments
بذریعہ فیس بک تبصرہ تحریر کریں