اسلام آباد انتظامیہ نے ’حقیقی آزادی’ مارچ کے لیے فوری این او سی جاری کرنے کی درخواست مسترد کردی۔
تفصیلات کے مطابق پاکستان تحریک انصاف کے حقیقی آزادی مارچ کے لئے اسلام آباد کی ضلعی انتظامیہ نے فوری این او سی جاری کرنے کی درخواست مسترد کر دی
ضلعی انتظامیہ نے پی ٹی آئی کو ایک نیا لیٹر جاری کر دیا، جس میں کہا ہے کہ پی ٹی آئی نے ماضی میں این او سی کی خلاف ورزیاں کیں، پی ٹی آئی شق وار انتظامیہ کو وضاحت دے۔
خط کے متن میں کہا ہے کہ 25مئی کو بھی این او سی دیا گیا مگر اس کی خلاف ورزی کی گئی، پی ٹی آئی تحریری طور پر انتظامیہ کو مطمئن کرے۔
ضلعی انتظامیہ کا کہنا تھا کہ این اوسی کی درخواست مسترد نہ کرنے کی وجوہات کی وضاحت کی جائے
یاد رہے پاکستان تحریک انصاف نے’حقیقی آزادی’ لانگ مارچ کے لیے اسلام آباد انتظامیہ کو این او سی کے لیے درخواست جمع کرائی تھی۔
درخواست کے متن کے مطابق سپریم کورٹ کے حکم کے تحت پاکستان تحریک انصاف سری نگر ہائی وے پر پڑاؤ ڈالنا چاہتی ہے۔
Facebook Comments
بذریعہ فیس بک تبصرہ تحریر کریں