زندہ دفن خاتون نے اپنی جان کیسے بچائی؟

امریکا میں شوہر نے بیوی کو شدید تشدد کا نشانہ بناکر زندہ دفنا دیا لیکن خاتون کی حاضر دماغی نے اس کی جان بچالی۔

غیر ملکی میڈیا کے مطابق یہ واقعہ امریکی ریاست واشنگٹن میں پیش آیا جہاں شوہر کی جانب سے بیوی کو بدترین تشدد کا نشانہ بنایا گیا، شوہر نے مار پیٹ کے بعد خاتون کو صندوق میں بند کرکے گھر کے قریب جنگل میں زندہ دفنادیا لیکن خاتون کی حاضر دماغی نے ان کی جان بچائی۔

میڈیا رپورٹس میں بتایا گیا کہ خاتون کو جب شوہر نے تشدد کا نشانہ بنایا اور زندہ دفنایا تو اس وقت خاتون کے ہاتھ میں ایپل واچ تھی جس پر خاتون نے گھڑی سے ہی ہیلپ لائن پر کال کی۔

ہیلپ لائن کے آپریٹر نے پولیس کو بتایا کہ اسے ایک ایمرجنسی کال موصول ہوئی جس میں متاثرہ خاتون نے صرف دو جملے ‘جھگڑا ہوا’ اور ‘بات نہیں کرسکتی’ بولا جس کے بعد لوکیشن ٹریس کرکے اسے بچا لیا گیا۔

Advertisements
julia rana solicitors london

میڈیا رپورٹس میں بتایا گیا ہےکہ میاں بیوی کے درمیان تعلقات خراب تھے اور شوہر بیوی کی پینشن کھانا چاہتا تھا، پولیس نے بیوی کی شکایت پر شوہر کو گرفتار کرلیا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply