نیشنل الیکٹرک پاور ریگولیٹری اتھارٹی (نیپرا) نے بجلی3 روپے 21 پیسے فی یونٹ مہنگی کرنے کی منظوری دے دی۔

نیپرا کے مطابق اپریل تا جون 2022 کی سہ ماہی ایڈجسٹمنٹ کی مد میں بجلی مہنگی کی گئی جس سے صارفین پر93ارب95کروڑ 70لاکھ روپے کا اضافی بوجھ پڑے گا ۔

نیپرا نے بتایا کہ بجلی کی قیمت میں اضافے کا اطلاق یکم اکتوبر 2022 سے ہوگا، 3 روپے 21 پیسے فی یونٹ اضافہ قسطوں کی صورت میں 4 ماہ میں وصول کیے جائیں گے اور اضافے کا اطلاق کے الیکٹرک صارفین پر نہیں ہوگا۔

نیپرا نے سہ ماہی ایڈجسٹمنٹ میں بجلی مہنگی کرنے کا فیصلہ وفاقی حکومت کو بھجوادیا۔

Advertisements