اسلام آباد: الیکشن کمیشن آف پاکستان نے متنبہ کیا ہے کہ فنڈز بروقت نہ ملے تو انتخابی عمل متاثر ہو سکتا ہے۔

ذمہ دار  ذرائع کے مطابق   یہ بات الیکشن کمیشن آف پاکستان کے سیکریٹری نے وفاقی سیکریٹری خزانہ سے ملاقات کے دوران کہی ہے۔

ذمہ دار ذرائع کے مطابق سیکریٹری الیکشن کمیشن نے وفاقی سیکریٹری خزانہ سے ملاقات کے دوران فنڈز کی کمی کا حوالہ دیتے ہوئے کہا کہ الیکشن کمیشن کو انتخابات کی تیاریوں میں فنڈز کی کمی کے باعث مشکلات پیش آرہی ہیں۔

سیکریٹری الیکشن کمیشن نے ذرائع کے مطابق دوران ملاقات واضح طور پر کہا کہ فنڈز بروقت نہ ملے تو انتخابی عمل متاثر ہو سکتا ہے۔

Advertisements

وفاقی سیکریٹری خزانہ نے ملاقات میں سیکریٹری الیکشن کمیشن کو یقین دہانی کرائی کہ فنڈز کی فراہمی یقینی بنائی جائے گی۔