لاہور کا ایسا تھانا، جہاں آپ چاہیں گے ضرور جانا!

صوبہ پنجاب کے دارالحکومت لاہور میں ایسا انوکھا ریسٹورنٹ کھولا گیا ہے جہاں کھانا کھانے والوں پر مقدمہ درج ہوتا ہے اور پھر سزا بل کی صورت میں ملتی ہے۔

“اے آر وائی” نیوز کے مطابق لاہور میں اپنی نوعیت کا یہ انوکھا ریستوران جیل کی طرز پر بنایا گیا ہے۔ یہاں ویٹر نہیں بلکہ قیدی ہیں جن کا کام کال کوٹھڑی میں کھانا تیار کرنا اور جیل میں بیٹھے مہمانوں کو یہ کھانا پیش کرنا ہے۔ مزیدار کھانا کھانے کے بعد جیلر بل کے بجائے ایف آئی آر کاٹتا ہے۔

لاہور کے چائے تھانا نامی اس ریستوران کی دیوار پر خطرناک اور اشتہاری ملزمان کی تصاویر آویزاں اور پھانسی کے پھندے بھی نصب کیے گئے ہیں۔ جیل نما اس ریستوران میں موسیقی کے ساتھ ساتھ لڈو اور تاش کھیلنے کی سہولت بھی دستیاب ہے۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *