• صفحہ اول
  • /
  • خبریں
  • /
  • نواز شریف نے جھوٹ بولنے میں پی ایچ ڈی کی، زرداری کی چوری پر کتابیں ہیں، شہباز شریف: مانگنے کی بجائے چوری کا پیسہ واپس لاتے، عمران خان

نواز شریف نے جھوٹ بولنے میں پی ایچ ڈی کی، زرداری کی چوری پر کتابیں ہیں، شہباز شریف: مانگنے کی بجائے چوری کا پیسہ واپس لاتے، عمران خان

چکوال: چیئرمین پاکستان تحریک انصاف عمران خان نے وزیراعظم پر سخت تنقید کرتے ہوئے کہا ہے کہ ملک میں اتنا بڑا عذاب آیا ہوا ہے تو اقوام متحدہ میں جانے کی کیا ضرورت تھی؟ شہباز شریف کی بے حسی ایسی ہے کہ وہ ملک سے باہر کے دورے کر رہے ہیں، اگر باہر چلے ہی گئے تھے تو ملک کی عزت میں اضافہ ہی کر دیتے۔

چکوال میں منعقدہ جلسہ عام سے خطاب کرتے ہوئے سابق وزیراعظم عمران خان نے کہا کہ سندھ حکومت نے سیہون سے آگے نہر نہیں بننے دی، سندھ میں ڈاکو بیٹھے ہیں، بلاول بھٹو بھی بیرون ملک چلے گئے، ان حالات میں کون اپنا ملک چھوڑ کر بیرون ملک جاتا ہے؟

انہوں نے کہا کہ ٹیلی تھون میں میری قوم نے مجھے 14 ارب روپے دیے، پیسہ صحیح جگہ خرچ ہونے کا یقین ہو تو یہ بہت کھلے دل کے لوگ ہیں، سندھ اور بلوچستان میں بہت سے لوگ مشکلات کا شکار ہیں، سندھ میں جہاں پانی کھڑا ہو گیا ہے وہاں فصلیں تباہ ہو گئی ہیں۔

عمران خان نے کہا کہ لوگوں نے اپنے گھروں میں جو بیج رکھے ہوئے تھے وہ بھی بہہ گئے، پانی کھڑا رہا تو کاشتکار گندم کی فصل بھی نہیں اگا سکیں گے، سندھ میں پیپلز پارٹی کی حکومت 14 سال سے چل رہی ہے، ہمارے دور میں دریائے سندھ کے کنارے سیہون تک نہر مکمل کی گئی تھی۔

شرکا کو مخاطب کرتے ہوئے انہوں نے کہا کہ انہیں پاکستانیوں کی خدمت کرنے کیلئے ہم پر مسلط نہیں کیا گیا، اربوں روپے قوم کا پیسہ انہوں نے اشتہار وں پر خرچ کر دیا، حکومت کی 60 فیصد کابینہ ضمانت پر ہے، شہبازشریف اور حمزہ شہباز کو سزا ہونے والی تھی، دنیا اس لیے پاکستان کو پیسے نہیں دے رہی کیونکہ امپورٹڈ حکومت قائم ہے۔

سابق وزیراعظم عمران خان نے کہا کہ دونوں خاندانوں نے ملک کو 30 سال سے لوٹا ہے، چوری کا آدھا پیسہ بھی لے کر آو تو مانگنے کی ضرورت نہ پڑے، شہباز شریف! ملکوں سے مانگنے کی بجائے چوری کا پیسہ واپس لے کر آتے۔

چیئرمین پی ٹی آئی نے شرکا کو مخاطب کرتے ہوئے کہا کہ آپ نے میرے ساتھ ان چوروں کو شکست دینے کیلئےنکلنا ہے، ان لوگوں کو کبھی تسلیم نہیں کروں گا، بلاول نے مہنگائی مارچ کیا اور فضل الرحمان نے دو دھرنے دیے، کہا گیا کہ ملک میں مہنگائی ہو گئی ہے عمران خان کی حکومت ختم کرو، جب عدم اعتماد کی تحریک لائی گئی اس وقت ڈالر 178 روپے کا تھا، آج عالمی مارکیٹ میں پیٹرول کی قیمت کم ہے مگر پاکستان میں زیادہ ہے۔

عمران خان نے کہا کہ ہمارے دور میں بجلی 16 روپے یونٹ تھی، آج 36 روپے فی یونٹ ہوگئی ہے، آج تین گنا بجلی کی قیمت بڑھ گئی ہے، آج لوگ مہنگائی میں پس رہے ہیں، آئی ایم ایف کے مطابق سردیوں میں گیس کی قیمت 250 فیصد بڑھے گی، انہوں نے کسانوں کا معاشی قتل کر دیا ہے، مہنگائی آسمانوں پر ہے،انڈسٹریز بند ہو رہی ہیں اور بیروزگاری بڑھ رہی ہے، روپے کی قدر گر رہی ہے، ہماری 20 فیصد ٹیکسٹائل انڈسٹریز بند ہو چکی ہیں۔

چیئرمین پی ٹی آئی نے کہا کہ جن قوموں میں میرٹ ہوتی ہے وہ آگے نکل جاتی ہیں، ان چوروں کو میرٹ کی سمجھ نہیں ہے، جہاں ان کے پیسے پڑے ہیں یہ ان ملکوں کے غلام ہیں، زرداری کی چوری پر کتابیں لکھی ہوئی ہیں، نواز

شریف جھوٹ بول کر ملک سے باہر گیا، مشرف کے دور میں بھی نواز شریف جھوٹ بول کر باہر بھاگا تھا، نواز شریف نے جھوٹ بولنے میں پی ایچ ڈی کی ہوئی ہے۔

Advertisements
julia rana solicitors

عمران خان نے کڑی نکتہ چینی کرتے ہوئے کہا کہ یہ دنیا میں جا کر ہمیں ذلیل کرتے ہیں، صدر پیوٹن کے سامنے بیٹھ کر ان کی کانپیں ٹانگ رہی تھیں، یہ ساری جگہ ہمیں ذلیل کرتے ہیں، جو بھی ہوجائے ہم نے ملک کو حقیقی طور پر آزاد کرنا ہے، جب تک میں زندہ ہوں ان کا مقابلہ کروں گااور ان کو شکست بھی دوں گا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply