دبئی: ایشیا کپ ٹی ٹوئنٹی ٹورنامنٹ کے سپر فور مرحلے میں افغانستان نے اپنے آخری میچ میں بھارت کے خلاف ٹاس جیت کر فیلڈنگ کا فیصلہ کیا ہے۔

دبئی انٹرنیشنل کرکٹ اسٹیڈیم میں کیھلے جانے والے میچ میں افغانستان کے کپتان محمد نبی نے ٹاس جیت کر بھارت کو بیٹنگ کی دعوت دی ہے۔

بھارتی کپتان روہت شرما آج کا میچ نہیں کھیل رہے ہیں ان کی جگہ نائب کپتان کے ایل راہول بھارتی ٹیم کے کپتان کے فرائض سر انجام دے رہے ہیں۔

میچ کے لیے بھارتی ٹیم میں تین تبدیلیاں کی گئی ہیں۔ کے ایل راہول کے مطابق روہت آرام کے غرض سے آج کے میچ کے لیے دستیاب نہیں ہیں۔

واضح رہے کہ افغانستان اور بھارت پہلے ہی فائنل کی دوڑ سے باہر ہوچکے ہیں، بھارت اور افغانستان کو سپر فور مرحلے میں اپنے دنوں میچز میں شکست کا سامنا کرنا پڑا تھا۔