انٹر بینک میں ڈالر سستا جبکہ روپیہ مزید مستحکم ہو گیا۔ ڈالر کے مقابلے میں روپے کی قدر میں 3 روپے 3 پیسے کا اضافہ ہوا ہے۔

جمعرات کو کاروبار کے آغاز پر امریکی ڈالر کے سامنے روپے کی قدر میں بہتری دیکھنے میں آئی اور ڈالر کی قیمت میں تنزلی کا سلسلہ جاری رہا۔

انٹربینک میں ایک ڈالر 4 روپے 66 پیسے کی کمی کے ساتھ 217 روپے 25 پیسے تک آ گیا تھا تاہم کاروبار کے اختتام پر ڈالر کی قیمت میں 3 روپے 3 پیسے کی کمی ریکارڈ کی گئی۔

کاروبار کے اختتام پر انٹر بینک میں ڈالر 218 روپے 88 پیسے کی سطح پر آ گیا۔

Advertisements

گزشتہ روز انٹربینک میں ایک ڈالر 221 روپے 91 پیسے پر بند ہوا تھا جبکہ جمعہ کے روز کاروبار کے اختتام پر ڈالر 224 روپے 4 پیسے پر بند ہوا تھا۔