• صفحہ اول
  • /
  • خبریں
  • /
  • یوم استحصال پر اسلام آباد کی فضائیں کشمیر بنے گا پاکستان کے نعروں سے گونج اٹھیں

یوم استحصال پر اسلام آباد کی فضائیں کشمیر بنے گا پاکستان کے نعروں سے گونج اٹھیں

یوم استحصال پراسلام آباد کی فضائیں کشمیر بنے گا پاکستان کے فلک شگاف نعروں سے گونج اٹھیں، بھارت کے مقبوضہ وادی میں 5 اگست 2019 کے غیرقانونی اقدام کےخلاف وزارت خارجہ سے پارلیمنٹ ہائوس تک ریلی نکالی گئی۔

وفاقی وزیر خواجہ آصف مشیرامورکشمیرقمرزمان کائرہ اورسیکرٹری خارجہ نے ریلی میں شرکت کی، ایک منٹ کی خاموشی بھی اختیار کی گئی۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

بھارت کی جانب سے مقبوضہ کشمیرکی حیثیت یکطرفہ بدلے جانے کے 3 برس مکمل ہونے پر ملک بھرمیں یوم استحصال منایا جا رہا ہے۔ اسلام آباد میں وزارت خارجہ سے پارلیمنٹ تک مرکزی ریلی نکالی گئی۔

ریلی کا آغاز تلاوت قرآن پاک سے ہوا، کشمیریوں کی آزادی کےلیے خصوصی دعا کی گئی، ایک منٹ کی خاموشی بھی اختیار کی گئی۔ معروف گلوکار زوہیب ضیاء نے کشمیر پرخصوصی ملی نغمہ جلتا ہے کشمیر پیش کیا۔

سیکرٹری خارجہ سہیل محمود کی قیادت میں ریلی شاہراہ دستور سے ہوتی ہوئی پارلیمنٹ ہائوس پہنچی، وزارت خارجہ کے افسران سفارتکارملازمین اورسول سوسائٹی کے ارکان ریلی کا حصہ تھے۔

ریلی کے شرکا نے پاکستان اورکشمیر کے پرچم اٹھا رکھے تھے، کشمیریوں کے حق میں اور بھارت کےخلاف نعرے بازی بھی کی۔

پارلیمنٹ ہائوس کے سامنے ریلی پہنچنے پروفاقی وزیردفاع خواجہ آصف اورمشیر پارلیمانی امورقمرزمان کائرہ بھی ریلی میں شریک ہوگئے۔ خواجہ آصف اور قمر زمان کائرہ کا کہنا تھا کہ بھارتی ظلم کے خلاف ہر سطح پر آواز اٹھاتے رہیں گے۔

Advertisements
julia rana solicitors

سیکرٹری خارجہ نے پارلیمنٹ ہائوس کے سامنے وزیردفاع خواجہ آصف اور مشیرامورکشمیرقمرزمان کائرہ کو وزارت خارجہ کی جانب سے خصوصی یادگاری شیلڈز پیش کیں۔

  • merkit.pk
  • julia rana solicitors
  • julia rana solicitors london
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply