• صفحہ اول
  • /
  • خبریں
  • /
  • ضمنی انتخابات پر نظر رکھنا ہوگی، میری بیٹی نے کاغذات جمع کرائے ہیں، شاہ محمود

ضمنی انتخابات پر نظر رکھنا ہوگی، میری بیٹی نے کاغذات جمع کرائے ہیں، شاہ محمود

ملتان: پاکستان تحریک انصاف کے وائس چیئرمین مخدوم شاہ محمود قریشی نے کہا ہے کہ موجودہ حکومت کی ساکھ متاثر ہوچکی، باشعور شہریوں کو ضمنی انتخابات پر نظر رکھنا ہوگی۔

انہوں نے ایک پریس کانفرنس سے خطاب کرتے ہوئے کہا کہ اس حکومت میں روپے کی قدر میں 30 فیصد کمی آئی ہے، ڈھائی سو روپے تک ڈالر گیا ہے، اب بھی شرح کافی اونچی ہے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

سابق وزیر خارجہ نے کہا کہ ملتان کے سارے تاجر سراپا احتجاج ہیں وہ بجلی کے بل دکھا رہے ہیں اور جلا رہے ہیں، 17 اگست کو تاجروں نے شٹر ڈاؤن کی کال دے رکھی ہے، تاجروں پرفکس اور ریٹیلر ٹیکس بغیر مشاورت کے لگایا گیا ہے، ایک تاجر نے بتایا کہ بجلی کا بل دکان کے کرائے سے زیادہ ہے، یہ کیفیت ہے۔ انہوں نے کہا کہ اس حکومت نے عوام پر ظلم کیا ہے، حکومت نے آئی ایم ایف کے معاہدے کے تحت ہرماہ پٹرول کی قیمت بڑھانی ہے۔

مخدوم شاہ محمود قریشی نے کہا کہ چھوٹے دکانداروں پر بھی سیلز ٹیکس عائد کر دیا گیا ہے، ہم 2 سال کورونا کی کیفیت سے دوچار رہے لیکن اس وقت بجلی کی قیمت اور انکم ٹیکس اتنا بڑھا دیا گیا ہے کہ تاجر کام نہیں کر پا رہے ہیں، اس تناظر میں پاکستان کے لوگوں نے بڑا فیصلہ کرنا ہے۔

پی ٹی آئی کے مرکزی رہنما مخدوم شاہ محمود قریشی نے کہا کہ این اے 157 میں خاندانوں کی نہیں انسانیت کی بات ہورہی ہے، میری بیٹی مہربانو نے عمران خان کی ہدایت پر کاغذات جمع کرائے ہیں، معاشرے کی تبدیلی میں پڑھی لکھی خاتون کا بڑا کردار ہے، ہمیں پاکستان کی آئندہ نسل کے لئے کردار ادا کرنا ہے، پاکستان کی آدھی آبادی خواتین پر مشتمل ہے۔

Advertisements
julia rana solicitors london

پی ٹی آئی کے وائس چیئرمین مخدوم شاہ محمود قریشی نے کہا کہ پارلیمان میں خواتین کے لئے الگ سیٹیں مختص کی گئی ہیں، تحریک پاکستان بھی خواتین کے کردار کے بغیر نامکمل تھی، 1965 کی جنگ اور 2005 کے زلزلے میں بھی خواتین نے اہم کردار ادا کیا ہے۔

  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply