ارجنٹائن کے ایک علاقے سے کچرے کے ڈھیر سے لوگوں کو ہزاروں ڈالرز ملنے لگے، انتظامیہ کو خبر ملنے پر کچرے کے مقام کو سیل کر دیا گیا۔

غیر ملکی خبر رساں ادارے کی رپورٹ کے مطابق ارجنٹائن کے شہر لاس پریخا پر کچرے کے ایک مقام سے چند مقامی افراد کو 75 ہزار ڈالرز ملے ہیں۔

رپورٹ کے مطابق ایک مقامی شخص نے بتایا کہ وہ اپنے دوست کے ہمراہ ٹرک پر کہیں جا رہے تھے کہ کوڑے کی جگہ پہنچے جہاں انہیں سو ڈالر کا نوٹ دکھا جو بالکل نئی حالت میں موجود تھا۔

انہوں نے بتایا کہ وہاں پر ان سمیت چھ افراد موجود تھے جنہوں نے وہاں سے لگ بھگ 10 ہزار ڈالرز جمع کیے۔ ان کا کہنا تھا کہ بعد میں ایک اور شخص انہیں ملا جو بہت ہی خوش قسمت تھا کیوں کہ اس کو وہاں سے 25 ہزار ڈالرز ملے۔

Advertisements

دوسری جانب اس معاملے پر ملک میں سوشل میڈیا پر بھی بحث ہو رہی ہے اور یہ خیال کیا جا رہا ہے کہ یہ ڈالر اس شخص کے ہیں جس کی موت کچھ عرصہ قبل ہوئی تھی اور ان کے ورثا نہیں تھے جس کے سبب ان کا سامان کچرے میں پھینک دیا گیا تھا۔