اسلام آباد: چیئرمین پاکستان تحریک انصاف عمران خان نے کہا ہے کہ فاشسٹ مودی حکومت کی جانب سے یاسین ملک پر کیے جانے والے تشدد کی مذمت کرتے ہیں۔

سابق وزیراعظم عمران خان نے کہا کہ کشمیری حریت رہنما یاسین ملک کو بھوک ہڑتال پر مجبور کیا جا رہا ہے، ان کی جان خطرے میں ہے۔

عمران خان نے مطالبہ کیا کہ اقوام متحدہ اور بین الاقوامی انسانی حقوق کی تنظیمیں بھارت کے خلاف کارروائی کریں۔

Advertisements

چیئرمین پی ٹی آئی عمران خان نے زور دے کر کہا کہ اقوام متحدہ اور بین الاقوامی انسانی حقوق کی تنظیمیں کشمیری رہنما یاسین ملک کی جان بچائیں۔