راولپنڈی: شمالی وزیرستان میں سیکیورٹی فورسز کی 2 مختلف کارروائیوں میں 3 دہشت گرد مارے گئے جبکہ اہم کمانڈر سمیت متعدد دہشت گردوں کو گرفتار کر لیا گیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے شمالی وزیرستان کے مختلف علاقوں میں خفیہ اطلاعات پر آپریشنز کیے۔ اس دوران 3 دہشت گرد مارے گئے جبکہ 3 دہشت گردوں کو زخمی حالت میں گرفتار کر لیا گیا۔

مارے جانے اور گرفتار ہونے والے دہشت گرد سیکیورٹی فورسز پر حملوں اور بھتہ خوری کی وارداتوں میں ملوث تھے۔

Advertisements

دہشت گردوں کے قبضے سے بڑی مقدار میں اسلحہ، گولہ بارود اور آئی ای ڈیز بھی برآمد کر لی گئی ہیں جبکہ سیکیورٹی فورسز کی کارروائی کے دوران ہلاک ہونے والے اور گرفتار ہونے والے تمام دہشت گردوں کا تعلق حافظ گل بہادر گروپ سے تھا۔