سری لنکا نے ایشیا کرکٹ کپ کی میزبانی سے معذرت کر لی

سری لنکا نے ملک میں جاری سیاسی ومعاشی بحران کے باعث ایشیا کرکٹ کپ کی میزبانی سے معذرت کر لی۔

سری لنکا کرکٹ نے گزشتہ روزایشین کرکٹ کونسل کو فیصلے سے آگاہ کرتے ہوئے کہاہے کہ ملک میں معاشی اور سیاسی بحران کی وجہ سے سری لنکن کرکٹ بورڈ ایشیا کپ T20 کے آئندہ ایڈیشن کی میزبانی کرنے کی پوزیشن میں نہیں ہوگا۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

سری لنکن میڈیا کے مطابق یہ فیصلہ حال ہی میں جاری بحران کی وجہ سے لنکا پریمیئر لیگ (ایل پی ایل) کے تیسرے ایڈیشن کو ملتوی کرنے کے بعد کیاگیا ہے۔

ایس ایل سی کا کہنا ہے کہ ان کے ملک کی موجودہ سیاسی اور معاشی صورت حال کی وجہ سے چھ ٹیموں کے اس طرح کے میگا ایونٹ کی میزبانی کرنا مناسب نہیں ہے۔

ایشین کرکٹ کونسل کے ذرائع کا کہنا ہے کہ سری لنکن کرکٹ بورڈ نے متحدہ عرب امارات یا کسی اور ملک میں ٹورنامنٹ کی میزبانی کرنے کی خواہش ظاہر کی ہے۔

تاہم ذرائع کا کہنا ہے کہ ایونٹ منعقد کروانے کے لیے یو اے ای حتمی متبادل مقام نہیں ہے۔ ایشیا کپ بھارت سمیت کسی دوسرے ملک میں بھی ہو سکتا ہے۔

Advertisements
julia rana solicitors

اے سی سی کی جانب سے آئندہ چند دنوں میں ایشیا کرکٹ کپ کے وینیو کا اعلان کیے جانے کا امکان ہے۔ واضح رہے کہ ایشیا کپ اس سال اگست اور ستمبر میں آسٹریلیا میں ہونے والے ٹی ٹوئنٹی ورلڈ کپ سے قبل منعقد ہونا ہے۔

  • julia rana solicitors london
  • merkit.pk
  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply