لاہور ہائیکورٹ نے الیکشن کمیشن کو پی ٹی آئی کی پانچ مخصوص نشستوں پر نوٹیفکیشن کرنے کا حکم دے دیا۔
لاہور ہائی کورٹ کے جسٹس شاہد وحید نے پی ٹی آئی کی ایم پی اے زینب عمیر کی درخواستوں پر سماعت کی، عدالت میں درخواستوں پر وفاقی اور پنجاب حکومت کی جانب سے جواب میں کہا گیا کہ درخواستیں قابل سماعت نہیں نے جواب داخل کر دیا، ایڈووکیٹ جنرل پنجاب نے کہا ضمنی الیکشن کے لئے الیکشن رولز اجازت نہیں دیتے کہ خالی مخصوص سیٹوں پر تقرر کیا جائے، صرف عام الیکشن میں خالی مخصوص نشستوں پر تقرریاں ہو سکتی ہیں، جس پر پی ٹی آئی کے وکیل نے دلائل میں کہا کہ قانون کے تحت ایسی تقرریاں فوری ہونی چاہئیں۔
الیکشن لا کے تحت خالی مخصوص نشستوں پر پی ٹی آئی کی خواتین ہی منتخب ہو سکتی ہیں، عدالت نے دلائل مکمل ہونے پر الیکشن کمیشن کو پی ٹی آئی کی نشستوں کا نوٹیفکیشن کرنے کا حکم سنا دیا۔
Facebook Comments
بذریعہ فیس بک تبصرہ تحریر کریں