ترجمان آئی ایم ایف کا کہنا ہے کہ اگلے بجٹ کے حوالے سے اہم پیش رفت ہوچکی ہے ، اگلے سال کےدوران میکرواکنامک استحکام بہتر کرنے کی پالیسیوں پر مذاکرات جاری ہیں۔
ذرائع نے بتایا ہے کہ پاکستانی حکام اور آئی ایم ایف کے درمیان مذاکرات آج بھی ہوں گے ، پاکستان اورآئی ایم ایف کےدرمیان معاہدہ طے پا گیا،
آئی ایم ایف نے حکومت پاکستان کے معاشی اقدامات سے اتفاق کیا ہے، آئی ایم ایف پاکستان کے بجٹ اہداف سے بھی متفق ہے، معاہدے سے متعلق اعلامیہ جلد جاری کیا جائے گا۔
ذرائع وزارت خزانہ کے مطابق آئی ایم ایف کی طرف سے پاکستان کو فوری طور پر ایک ارب ڈالر مل جائیں گے، آئی ایم ایف کی ٹیم 2 ہفتے کے دوران پاکستان کا دورہ بھی کرے گی، آئی ایم ایف، پاکستان کی طرف سے اگلے مالی سال کے بجٹ کیلئے اقدامات پر بھی راضی ہے۔
Facebook Comments
بذریعہ فیس بک تبصرہ تحریر کریں