• صفحہ اول
  • /
  • خبریں
  • /
  • بنی گالہ کی زمین خریدنے کیلئے سابقہ اہلیہ نے 3 کروڑ 60 لاکھ روپے دیئے، عمران خان

بنی گالہ کی زمین خریدنے کیلئے سابقہ اہلیہ نے 3 کروڑ 60 لاکھ روپے دیئے، عمران خان

اسلام آباد: چیئرمین پاکستان تحریک انصاف عمران خان نے کہا ہے کہ بنی گالہ کی زمین خریدنے کیلئے میری سابقہ اہلیہ نے 3 کروڑ 60 لاکھ روپے دیئے تھے۔

چیئرمین پاکستان تحریک انصاف (پی ٹی آئی) عمران خان کی خواجہ آصف کے خلاف 10 ارب روپے ہرجانہ کیس کی سماعت ہوئی۔ عمران خان ویڈیو لنک کے ذریعے ایڈیشنل سیشن جج عدنان خان کی عدالت میں پیش ہوئے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

عمران خان نے جرح کے دوران بیان دیا کہ 1996 سے شوکت خانم بورڈ کا چیئرمین ہوں اور 1996 کے بعد سے اب تک کوئی چیئرمین نہیں بنا اور میں نہیں سمجھتا کہ میری بہن سیکرٹری بورڈ آف گورنر رہی ہیں۔

انہوں نے کہا کہ راشد علی خان کو میں دوستی کی وجہ سے جانتا ہوں اور اس کا فنانس میں تجربہ ہے۔

خواجہ آصف کے وکیل نے استفسار کیا کہ بنی گالہ کی زمین خریدنے میں کیا راشد علی خان آپ کے نمائندہ تھے؟

عمران خان نے مؤقف اختیار کیا کہ راشد علی خان نمائندہ نہیں دوست کی حیثیت سے یہ ٹرانزیکشن کی تھی اور میری سابقہ بیوی کے بھیجے گئے 3 کروڑ 60 لاکھ روپے راشد علی خان نے ادا کیے تھے۔ چونکہ میں سفر کر رہا تھا اور قسطیں دینا پڑنی تھیں اس لیے راشد علی کو کہا تھا کیونکہ وہ فنانس جانتا تھا۔

چیئرمین پی ٹی آئی عمران خان پر ویڈیو لنک کے ذریعے جرح کے دوران بجلی چلی گئی۔ جس کے بعد عدالت نے عمران خان کے وکیل سے مکالمہ کرتے ہوئے ریمارکس دیئے کہ آپ رابطہ کر لیں واٹس ایپ پر آخری سوال کا جواب لے لیتے ہیں؟

Advertisements
julia rana solicitors london

عمران خان کے وکیل نے مؤقف اختیار کیا کہ بنی گالہ میں جیمر لگے ہوتے ہیں رابطے میں تھوڑا مسئلہ ہے۔ عدالت نے کیس کی مزید سماعت 7 جولائی تک ملتوی کر دی۔

  • merkit.pk
  • julia rana solicitors london
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply