اسلام آباد: پاکستان کی قومی ایئر لائن پی آئی اے نے شام میں پھنسے ہوئے پاکستانیوں کی وطن واپسی کیلئے خصوصی طیارہ بھیجنے کے انتظامات مکمل کرلیے ہیں۔

پی آئی اے ترجمان کے حوالے سے بتایا ہے کہ شام میں پاکستان کے سفیر کی ردخواست پر طیارہ بھیجنے کے انتظامات کیے گئے ہیں۔

شام میں پاکستان کے سفیر نے سی ای او پی آئی اے اور حکومت پاکستان کو باقاعدہ خط لکھ کر کہا ہے کہ شام کے دارالحکومت دمشق میں پھنسے ہوئے پاکستانیوں کی وطن واپسی کے لیے شام کے شہر حلب میں خصوصی پرواز بھیجنے کا انتظام کریں۔

وفاقی وزیر ہوابازی کی خصوصی ہدایات پر پی آئی اے نے 13 جون کو پرواز بھیجنے کے انتظامات مکمل کر لیے ہیں۔

Advertisements

اس ضمن میں بتایا گیا ہے کہ پہلے مرحلے میں دمشق سے بذریعہ بس پاکستانیوں کو حلب لایا جائے گا جہاں سے پی آئی اے کا طیارہ ان کو لے کر وطن واپسی کے لیے اڑان بھرے گا۔