امریکی ریاست لوا میں فائرنگ سے 3افراد ہلاک ہو گئے، فائرنگ کا واقعہ ایمز شہر میں چرچ کی پارکنگ میں پیش آیا۔

پولیس کے مطابق ہلاک ہونے والوں میں حملہ آور بھی شامل ہے، حملہ آور کی فائرنگ سے ہلاک ہونے والی دو خواتین ہیں، جبکہ وسکوسن میں بھی فائرنگ سے 3 افراد زخمی ہو گئے۔

یہ فائرنگ کا واقع امریکی صدر جوبائیڈن کے بیان کے بعد آیا، جس میں انہوں نے امریکی کانگریس سے ہتھیاروں پر پابندی عائد کرنے کا مطالبہ کیا ہے، جوبائیڈن نے کہا کہ فائرنگ کے سلسلے سے نمٹنے کیلئے گن کنٹرول کے اقدامات کو لاگو کیا جائے، ہم اور کتنا قتل عام قبول کرنے کو تیار ہیں ؟ گن کنٹرول کے بل میں ری پبلکن ساتھ دیں، امریکا میں نوجوانوں کی ذہنی صحت کا شدید بحران ہے ، اس بارے کچھ کرنا ہوگا۔

امریکا میں 2022 میں گن وائلنس سے 18 ہزار سے زائد افراد ہلاک ہوئے۔ جبکہ گزشتہ ہفتے اسکول ، یونیورسٹی اور اسپتال میں فائرنگ سے 22 سے زائد افراد ہلاک ہو چکے ہیں۔

Advertisements

امریکہ کی ریاست ٹیکساس کے ایک پرائمری سکول میں فائرنگ کے واقعے میں 19 بچوں سمیت 21 افراد اس وقت ہلاک ہو گئے تھے جب ایک 18 سالہ مسلح لڑکا سکول کی عمارت میں داخل ہوا اور اندھا دھند فائرنگ کر دی۔