• صفحہ اول
  • /
  • خبریں
  • /
  • فتح استنبول کا 569 واں سال مکمل، طیب اردگان کا سلطان محمد فاتح کو زبردست خراج عقیدت

فتح استنبول کا 569 واں سال مکمل، طیب اردگان کا سلطان محمد فاتح کو زبردست خراج عقیدت

ترکی میں فتح استنبول کے 569 واں سال مکمل ہونے پر اتاترک نیشنل گارڈن میں شاندار تقریب کا انعقاد کیا گیا جس میں ترک صدر طیب اردگان نے سلطان محمد فاتح کو زبردست خراج عقیدت پیش کیا۔

غیر ملکی خبر رساں ادارے کی رپورٹ کے مطابق ترک صدر اور خاتون اول نے نیشنل گارڈن کا افتتاح پودا لگا کر کیا، اس دوران عوام کی بڑی تعداد قومی پرچم کے ساتھ افتتاحی تقریب میں شریک ہوئی۔

دوسری جانب فتح استبنول کے اعزاز میں شاندار لائٹ شو ہوا جس میں جدید ٹیکنالوجی اور لیزر شعاعوں سے عظیم فتح کے مناظر کی عکاسی کی گئی، سلطان محمد فاتح اور آیا صوفیہ کے مناظر بھی دکھائے گئے۔

اس موقع پر اپنے خطاب میں انہوں نے کہا کہ استنبول کی فتح دانشمندانہ منصوبوں، عظیم کوششوں، ہنر مندانہ تیاریوں، بے مثال قربانیوں اور پختہ عزم کا نتیجہ ہے۔

ان کا کہنا تھا کہ ہم شمالی شام میں دہشت گردوں کے خلاف جنگ لڑ رہے ہیں اور ہم یہ جنگ اس وقت تک جاری رکھیں گے جب تک انہیں جڑ سے اکھاڑ نہیں پھینکیں گے۔

Advertisements
julia rana solicitors

ترکی نے اتوار کے روز استنبول پر عثمانی فتح کی 569 ویں سالگرہ منائی اور اسے ایک نئے دور کی شروعات قرار دیا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply