• صفحہ اول
  • /
  • خبریں
  • /
  • پاک بھارت آبی تنازعات، بات چیت کیلئے پاکستانی وفد بھارت روانہ

پاک بھارت آبی تنازعات، بات چیت کیلئے پاکستانی وفد بھارت روانہ

لاہور: پاک بھارت آبی تنازعات پر بات چیت کے لیے پاکستانی وفد بھارت روانہ ہو گیا۔

پاک بھارت آبی تنازعات پر بات چیت کے لیے وفد انڈس واٹر کمشنر سید مہر علی شاہ کی سربراہی میں روانہ ہوا۔ وفد میں ڈی جی محکمہ موسمیات، محکمہ آبپاشی، نیسپاک اور وزارت خارجہ کا نمائندہ شامل ہے۔

انڈس واٹر کمشنر سید مہر علی شاہ نے کہا کہ آبی تنازعہ پر 2 روزہ مذاکرات کل سے نئی دہلی میں ہوں گے جس میں بھارت سے آنے والے دریاؤں میں سیلاب کی پیشگی اطلاع پر بات ہو گی۔

انہوں نے کہا کہ مارچ میں پاک بھارت انڈس واٹر کمشنر کا اجلاس اسلام آباد میں ہوا تھا اور اب یہ 118 واں اجلاس نئی دہلی میں ہو رہا ہے، اجلاس میں سالانہ رپورٹ فائنل کی جائے گی۔

دریائے سندھ پر چھوٹے پراجیکٹس ہیں جبکہ دریائے چناب پر انڈیا کے 3 بڑے پراجیکٹ ہیں جن پر پاکستان کو اعتراض ہے، ان میں سے ایک پاکل دل اور کیرو ہائیڈور پاور ہیں۔ کیرو پر کام شروع کیا ہے، ہمارے اعتراض پر بھارت نے کہا ہے کہ وہ رپورٹ پیش کرے گا۔

Advertisements
julia rana solicitors london

یہ وفد صرف اجلاس کے لیے جا رہا ہے معائنہ کے لیے الگ وزٹ ہوں گے۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply