• صفحہ اول
  • /
  • خبریں
  • /
  • یاسین ملک کی رہائی کیلئے دنیا بھر میں تحریک چلائیں گے، چودھری سرور

یاسین ملک کی رہائی کیلئے دنیا بھر میں تحریک چلائیں گے، چودھری سرور

سابق گورنر پنجاب چودھری سرور نے کہا ہے کہ حریت رہنما یاسین ملک کی رہائی کے لیے دنیا بھر میں تحریک چلائیں گے۔

سابق گورنر پنجاب چودھری سرور نے حریت رہنما یاسین ملک کی اہلیہ مشعال ملک کے ہمراہ پریس کانفرنس کرتے ہوئے کہا کہ مودی نے وزیر اعظم بننے کے بعد بھی مسلمانوں کا قتل عام کیا اور بھارت نے جس طرح کا غیر انسانی اقدام کیا اس کی کوئی مثال نہیں ملتی۔ او آئی سی اور تمام فورم سے درخواست کروں گا کہ اس اقدام کا نوٹس لیں۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

انہوں نے کہا کہ مقبوضہ کشمیر میں بھارت کی جانب سے انسانی حقوق کی خلاف ورزی جاری ہے اور مقبوضہ کشمیر میں بھارت کی جانب سے بچوں کو قتل کیا جا رہا ہے۔ مقبوضہ کشمیر میں بھارتی فورسز کی جانب سے خواتین کی عصمت دری ہو رہی ہے اور مودی نے بھارت کو بھی اقلیتوں کے لیے جہنم بنا دیا ہے۔

حریت رہنما یاسین ملک کی رہائی مہم کے حوالے سے بات کرتے ہوئے چودھری سرور نے کہا کہ یاسین ملک کی رہائی مہم کے لیے برطانوی ہاؤس آف لارڈز ممبران سے رابطہ کیا ہے جبکہ انسان حقوق کے عالمی اداروں اور انٹرنیشنل کورٹ آف جسٹس میں بھی آواز اٹھائیں گے۔

انہوں نے کہا کہ یاسین ملک کی رہائی سیاست سے بالا تر ہے اور مسئلہ کشمیر پر قوم چٹان کی طرح متحد ہے۔ یاسین ملک برصغیر کے نیلسن منڈیلا ہیں کیونکہ فریڈم فائٹر کبھی دہشت گرد نہیں ہو سکتا۔ یاسین ملک کی رہائی کے لیے ملک اور بیرون ملک تحریک چلائیں گے۔

اس موقع پر مشعال ملک نے بات کرتے ہوئے کہا کہ یاسین ملک پر بھارتی عدالت نے بےبنیاد الزامات عائد کر کے فیصلہ سنایا۔ یاسین ملک نے کہا وہ خود اپنا کیس لڑیں گے اور بھارتی عدالت میں یاسین ملک کے خلاف جھوٹے ثبوت پیش کیے جاتے تھے۔

انہوں نے کہا کہ یاسین ملک بہادر ہیں اور پرامن جہدوجہد آزادی کے لیے سرگرم تھے۔ یاسین ملک کو جان سے مارنے کا خدشہ ہے اور یاسین ملک کو ڈیتھ سیل میں رکھا گیا ہے انہیں خاندان سے رابطے کا حق بھی نہیں دیاجا رہا۔ یاسین ملک نے عدالت میں کہا اپنی زندگی کی بھیک نہیں مانگوں گا۔

Advertisements
julia rana solicitors

مشعال ملک نے کہا کہ یاسین ملک نے پر امن تحریک کا علم اٹھایا اور مغربی دنیا کے کہنے پر یاسین ملک نے ہتھیار پھینکے اور پر امن سیاسی جدوجہد کی۔ یاسین ملک کو کچھ ہوا تو کشمیریوں کا دنیا سے اعتبار ختم ہو جائے گا۔ سید علی گیلانی کی قبر کو بھی جیل بنا رکھا گیا ہے۔

  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • merkit.pk
  • julia rana solicitors london

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply