• صفحہ اول
  • /
  • خبریں
  • /
  • وزیر اعظم شہباز شریف کے خطاب پر پی ٹی آئی کا سخت ردعمل

وزیر اعظم شہباز شریف کے خطاب پر پی ٹی آئی کا سخت ردعمل

وزیراعظم شہباز شریف کے خطاب پر تحریک انصاف کا ردعمل آگیا۔ فواد چودھری نے کہا کہ شہبازشریف کا خطاب ایک ہارے ہوئے شخص کا خطاب تھا۔ خطاب میں کھوکھلے الفاظ زبان کا ساتھ دینے سے انکاری تھے۔

فواد چودھری کا کہنا ہے کہ انہیں  مشکلات کا ادراک ہے  نہ بحران کا احساس۔ تین دنوں سے عوام پر لاٹھی چارج،آنسو گیس شیلنگ کے بعد اظہار آزادی کا دعویٰ کیا جا رہاہے۔ ہماری غلطی سے یہ لوگ پاکستان پر مستقل مسلط ہو گئے تو اگلی نسل تباہ ہو جائیگی۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

 

سابق وزیر خزانہ شوکت ترین  ہے کہا کہ شہبازشریف کو سمجھ آنی چاہیے مجموعی قرض کا 80 فیصد نہیں لیا گیا۔ قرض 18 ٹریلین ضرور ہے لیکن معیشت بھی 72 فیصد بڑھی ہے۔

ان کا کہنا ہے کہ پی ٹی آئی نے عوام کو سبسڈی دی اور اس کا پلان رکھا تھا۔ ہمیں روس سے پیٹرول 30 فیصد سستا مل رہا تھا۔ ان کے دماغ خراب ہو گئے ہیں انہیں سمجھ نہیں آرہا کیا کرنا ہے۔ ان کے 2 وزیرخزانہ ہیں ایک یہاں دوسرا لندن میں بیٹھا ہوا ہے۔

اسد عمر نے کہا عدم اعتماد کی تحریک کے بعد ملک میں خوفناک معاشی حالات دیکھنے کو ملے ۔ حکومت سے معیشت سنبھالی نہیں جا رہی ۔ یہ چیزوں کی قیمتیں بڑھائے جا رہے ہیں ۔

ان کا کہنا ہے کہ آئی ایم ایف کی خوشنودی کیلئے پٹرولیم مصنوعات کی قیمت 30 روپے بڑھا دی، چلتی ہوئی معیشت کو بریک انہوں نے لگائی۔ آزاد فیصلہ کرنے والے لیڈر دنیا کی آنکھ میں کھٹکتے ہیں۔

Advertisements
julia rana solicitors london

انہوں نے کہا ہے کہ اختلافات کے باوجود بھارتی لیڈر شپ نے آزادانہ فیصلہ کیا۔ یہ بات ٹھیک ہے کہ ہم نے ان کے انتہائی قریبی دوستوں کو ناراض کیا جن میں نریندر مودی شامل ہے۔

  • julia rana solicitors london
  • julia rana solicitors
  • merkit.pk
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply