• صفحہ اول
  • /
  • خبریں
  • /
  • ملک میں شدید گرمی، درجہ حرارت 51 ڈگری عبور کر گیا، آج بارش کا امکان

ملک میں شدید گرمی، درجہ حرارت 51 ڈگری عبور کر گیا، آج بارش کا امکان

اسلام آباد: ملک بھر کے متعدد علاقے شدید گرمی کی لپیٹ میں ہے جبکہ کچھ علاقے 51 ڈگری سینٹی گریڈ کو پہنچ گئے تاہم آج سے بیشتر علاقوں میں آندھی اور بارش کا امکان ہے۔

محکمہ موسمیات کے مطابق ملک کے مختلف حصے شدید گرمی کی لپیٹ میں ہے جن میں جنوبی پنجاب اور سندھ کے زیادہ تر علاقے شامل ہیں جبکہ سندھ کے اضلاع شہید بینظیر آباد اور جیکب آباد میں درجہ حرارت 51 ڈگری سینٹی گریڈ پر پہنچ گیا جبکہ ڈیرہ غازی خان، موہنجو داڑو میں 50 ڈگری سینٹی گریڈ، سبی، دادو، سکرنڈ، خیر پور، لاڑکانہ اور پڈعیدن کا درجہ حرارت 49 ڈگری سینٹی گریڈ ریکارڈ کیا گیا۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

محکمہ موسمیات کے مطابق اتوار کو ملک کے بیشترعلاقوں میں موسم گرم اور خشک جبکہ میدانی علاقے شدید گرمی کے زیراثر رہیں گے تاہم شام کے بعد سے بیشتر علاقوں میں گرج چمک کے ساتھ بارش اور آندھی کا امکان ہے۔

پاکستان کے وسطی اور جنوبی میدانی اضلاع میں گرد آلود ہوائیں چلنے کا امکان ظاہر کرتے ہوئے محکمہ موسمیات کا کہنا ہے کہ بالائی خیبر پختونخوا، پوٹھوہار اور پاکستان کے زیرانتظام کشمیر میں چند مقامات پر آندھی اور گرد آلود ہواؤں اور گرج چمک کے ساتھ ہلکی بارش ہو سکتی ہے۔

Advertisements
julia rana solicitors london

اتوار کو شام یا رات کے اوقات میں بالائی خیبر پختونخوا، اسلام آباد، بالائی پنجاب، گلگت بلتستان میں چند مقامات پر آندھی اور گرد آلود ہواؤں اور گرج چمک کے ساتھ ہلکی بارش ہو سکتی ہے۔ اس دوران ملک کے وسطی اور جنوبی میدانی اضلاع میں گرد آلود ہوائیں اور جھکڑ چلنے کا امکان ہے۔

  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london
  • julia rana solicitors
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply