• صفحہ اول
  • /
  • خبریں
  • /
  • قطری شہزادہ حمد بن جاسم کی لاہور آمد، نواز شریف سے ملاقات

قطری شہزادہ حمد بن جاسم کی لاہور آمد، نواز شریف سے ملاقات

قطر کے سابق وزیراعظم اور وزیر خارجہ شیخ حمد بن جاسم بن جابر آل ثانی 12 رکنی وفد کے ہمراہ لاہور پہنچے جہاں انھوں نے سابق وزیراعظم نواز شریف سے ملاقات کی۔

پاکستانی میڈیا کے مطابق قطری شہزادہ اور ان کے وفد کے ارکان ایک خصوصی طیارے کے ذریعے لاہور پہنچے جہاں سے انھیں سرکاری پروٹوکول کے ساتھ میاں نواز شریف کی قیام گاہ جاتی امراء لے جایا گیا۔ذرائع کا کہنا ہے کہ قطری وفد کا دورہ پاکستان پہلے سے شیڈول تھا اور  وفد میں بعض کاروباری شخصیات بھی شامل ہیں۔ قطری وفد نے سابق وزیراعظم نواز شریف سے ملاقات میں باہمی دلچسپی کے امور اور کاروباری معاملات پر بات چیت کی ہے۔

خیال رہے کہ قطری شہزادہ حمد بن جاسم کا نام اس وقت پاکستان میں زبان زد عام ہوا جب پاناما کیس میں شریف خاندان کے وکلاء نے ان کا ایک خط پیش کیا جس میں شریف خاندان اور قطر کے حکمراں آل ثانی کے درمیان لین دین کا ذکر تھا۔شہزادہ حمد بن جاسم نے 17 جولائی 2017 کو ایک اور خط لکھا جس میں انھوں نے پاکستان کی حدود سے باہر بیان ریکارڈ کرانے کی پیش کش دہرائی تھی۔تاہم ان کا کہنا تھا کہ وہ نہ تو کسی تفتیش کا حصہ بنیں گے اور نہ عدالت عظمیٰ  میں پیش ہوں گے۔قطرے شہزادے کو اپوزیشن نے شدید تنقید کا نشانہ بنایا تھا اور ان کی جانب سے پاناما کیس  کے ضمن میں سپریم  کورٹ کو بھیجے گئے خط کو غیر متعلقہ قرار دے دیا گیا تھا۔

بذریعہ فیس بک تبصرہ تحریر کریں

براہ راست تبصرہ تحریر کریں۔

Your email address will not be published. Required fields are marked *