• صفحہ اول
  • /
  • خبریں
  • /
  • جب کال دوں گا تو 20 لاکھ لوگ اسلام آباد پہنچیں، عمران خان

جب کال دوں گا تو 20 لاکھ لوگ اسلام آباد پہنچیں، عمران خان

لاہور: چیئرمین تحریک انصاف عمران خان نے کہا ہے کہ خارجہ پالیسی صرف عوام کے مفاد کیلئے بنائی اور سازش ہوئی۔ چیف الیکشن کمشنر ن لیگ کا ایجنٹ ہے۔

چیئرمین تحریک انصاف عمران خان نے ورکرز کنونشن سے خطاب کرتے ہوئے کہا کہ 27 رمضان المبارک کو ہم حقیقی آزادی کے لیے دُعا کریں گے اور میں آج آپ کی تیاری کروانے آیا ہوں۔ صرف پی ٹی آئی کارکن نہیں بلکہ سب پاکستانی ملک کے لیے دُعا کریں۔ 27 رمضان المبارک کو مولانا طارق جمیل دُعا کرائیں گے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

انہوں نے کہا کہ پاکستان کے لیے فیصلہ کن وقت ہے اور کارکنوں نے لوگوں کو بتانا ہے کہ ملک میں سازش کے تحت امپورٹڈ حکومت مسلط کی گئی۔ یہ چوری کے پیسے کو بچانے کے لیے ملک کو غلام بنا دیں گے کیونکہ امپورٹڈ حکومت کے لوگوں کا پیسہ، جائیداد اور محلات سب باہر ہیں۔

عمران خان نے کہا کہ خارجہ پالیسی صرف اپنی عوام کے مفاد میں بنائی اور سازش ہوئی۔ یہ کسی اور ملک کے مفادات کے لیے ملک کو استعمال کریں گے۔ مینار پاکستان جلسے کی کامیابی پر سب کو مبارکباد دیتا ہوں۔ میں جب کال دوں گا تو 20 لاکھ لوگ اسلام آباد پہنچیں۔

انہوں نے کہا کہ امریکہ کی جنگ میں ہمارے 80 ہزار افراد مارے گئے اور اب امپورٹڈ حکومت سے امریکہ ہمیں فتح کیے بغیر کنٹرول کرے گا۔ امریکہ بوٹ پالش اور چیری بلاسم کے ذریعے ہمیں کنٹرول کرے گا۔ میڈیا پر پیسہ چلایا گیا کہ امریکی سفارتخانے کے لوگ ہمارے اراکین سے مل رہے تھے اور میڈیا پر مہم چلائی گئی کہ حکومت ناکام ہے۔

چیئرمین تحریک انصاف نے کہا کہ جو مراسلہ ہمارے پاس آیا تھا اپوزیشن نے کہا یہ جھوٹ ہے۔ پہلے سازش ہوتی ہے پھر مداخلت ہوتی۔ یہ اپنے ملک کے لیے کبھی کھڑے نہیں ہوں گے اور ان پر کرپشن کے کیسز ان کے اپنے دور کے بنے ہوئے ہیں اور اب یہ پھر این آر او لینے کا سوچ رہے ہیں۔

انہوں نے کہا کہ یہ ایک ساتھ ہو کر لوٹ مار کریں گے، یہ اپنے اور اپنے وزرا کے کیسز ختم کریں گے جبکہ ہماری عدالتیں صرف چھوٹے چھوٹے چوروں کو پکڑیں گی۔ پرویز مشرف نے امریکہ کے دباؤ میں انہیں این آر او دیا تھا۔ پرویز مشرف دور میں بیرونی قرض 2 یا 3 ارب ڈالر بڑھا۔

سابق وزیر اعظم نے کہا کہ ان کے دور میں 50 ہزار ارب ڈالر بیرونی قرضے میں اضافہ ہوا۔ شہباز شریف پر ایف آئی اے میں کرپشن کے کیسز ہیں اور الیکشن کمشنر پی ٹی آئی کے خلاف فیصلے دیتے آئے ہیں اور اب چیف الیکشن کمشنر راجہ سلطان ن لیگ کا ایجنٹ ہے وہ استعفیٰ دیں۔

انہوں نے کہا کہ نواز شریف لندن میں بیٹھ کر سازش کا حصہ بنے۔ نواز شریف، آصف زرداری اور شہباز شریف کو سازش کا پتہ تھا جبکہ لوٹا بننے والوں نے اپنے حلقوں کے عوام سے غداری کی۔ قوم کا مطالبہ ہے روزانہ کی بنیاد پر سماعت کر کے ان کے خلاف ایکشن لیا جائے۔

عمران خان نے کہا کہ پاکستان نے بہترین حکمت عملی کے ذریعے کورونا کا مقابلہ کیا۔ عید پر جب گلے ملیں تو کان میں کہیں کہ حقیقی آزادی کے لیے نکلنا ہے اور ملک کے ہر شہر جاؤں گا اپنے لوگوں کو تیار کروں گا۔ ان کو پتہ ہے پی ٹی آئی کو کوئی نہیں ہرا سکتا۔

Advertisements
julia rana solicitors

انہوں نے کہا کہ ہمارے دور میں 80 فیصد پروگرام ہمارے خلاف ہوتے تھے۔ جو ہمیں تاریخی خسارہ ملا وہ 11 سال میں پہلی بار ہماری حکومت میں کم تھا۔ 5 بڑی فصلوں کی ہمارے دور میں ریکارڈ پیداوار ہوئی۔

  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • merkit.pk
  • julia rana solicitors london

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply