• صفحہ اول
  • /
  • خبریں
  • /
  • بھارت میں تجاوزات کے نام پر مسلمانوں کے گھروں کو مسمار کیا جانے لگا

بھارت میں تجاوزات کے نام پر مسلمانوں کے گھروں کو مسمار کیا جانے لگا

بھارت میں تجاوزات کے نام پر مسلمانوں کے گھروں کو مسمار کیا جا رہا ہے۔

بھارت میں ہندو انتہا پسند مسلمانوں پر زمین تنگ کرنے کا کوئی موقع ہاتھ سے جانے نہیں دے رہے۔ دہلی کے علاقے جہانگیر پوری میں فرقہ وارانہ تشدد کے نتیجے میں تقریباً 9 افراد زخمی ہوئے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

ہندو انتہا پسندوں نے ان فسادات کا الزام علاقے کے رہائشی مسلمانوں پر لگا دیا جس کے بعد پرتشدد اور دہشت گردی کے واقعات کے بعد سرکاری طور پر مسلمانوں کو سزا دینے کا منصوبہ بنایا گیا اور اب مسلمانوں کے علاقوں میں تجاوزات کے خاتمے کے نام پر ان گھروں کو مسمار کیا جا رہا ہے۔

جہانگیر پوری میں بدھ کی صبح مسلمانوں کے گھروں کو تجاوزات کے نام پر مسمار کرنے کے لیے بلڈوزر پہنچ گئے اس موقع پر کارپوریشن کی ٹیم اور پولیس کی بھاری نفری بھی ہمراہ تھی اور علاقے میں 15 سو کے قریب پولیس اہلکار تعینات تھے۔

جب بلڈوزر چلائے گئے تو علاقہ مکینوں نے روکنے کی کوشش کی تاہم پولیس نے ان پر تشدد کیا اور اس دوران مسلمان چیختے چلاتے رہے لیکن کسی نے ان کی ایک نہیں سنی۔

مودی سرکار اب بھارت میں مسلمانوں کی زمینوں پر بھی قبضے کر رہی ہے اور ان کے گھروں کو مسمار کر کے انہیں بے دخل کیا جا رہا ہے۔

حکومت کی جانب سے کہا جا رہا ہے کہ غیر قانونی تجاوزات اور غیر قانونی تعمیرات کے خلاف کارروائی کی جا رہی ہے تاہم اس میں کوئی سچائی نہیں اور صرف مسلمانوں کے گھروں کو نشانہ بنایا جا رہا ہے۔

دوسری جانب بھارتی سپریم کورٹ نے واقعہ کا نوٹس لیتے ہوئے حکم دیا کہ کوئی کارروائی نہ کی جائے اور سپریم کورٹ نے اس معاملے میں سماعت 21 اپریل کو کرنے کی تاریخ دے دی لیکن سپریم کورٹ کے حکم کے باوجود ایم سی ڈی کی انہدامی کارروائی جاری ہے۔

Advertisements
julia rana solicitors

سپریم کورٹ کے حکم کے بعد بھی بلڈوزر کے ذریعہ مسلمانوں کے گھروں کو مسمار کیا جا رہا ہے اور سپریم کورٹ کے حکم کو بھی سرکار نے پاؤں تلے روند دیا ہے۔ افسران کا کہنا ہے کہ ہمارے پاس ابھی تک کوئی تحریری حکم نہیں آیا اور جب تحریری حکم آئے گا تو کارروائی روک دیں گے۔

  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply