• صفحہ اول
  • /
  • خبریں
  • /
  • پنجاب اسمبلی سیکرٹریٹ میں غیر معمولی سرگرمیاں،میڈیا کے داخلے پر پابندی، پولیس طلب

پنجاب اسمبلی سیکرٹریٹ میں غیر معمولی سرگرمیاں،میڈیا کے داخلے پر پابندی، پولیس طلب

پنجاب اسمبلی سیکرٹریٹ میں غیر معمولی سرگرمیاں جاری ہیں۔ پنجاب اسمبلی میں میڈیا کے داخلے پر پابندی عائد کر دی گئی ہے اور پولیس کی بھاری نفری طلب کر لی گئی ہے

پنجاب اسمبلی کا اجلاس طلب کرنے کے معاملے پر اسپیکر اور ڈپٹی اسپیکر میں تنازع شدت اختیار کر گیا۔ اسمبلی سیکرٹریٹ میں غیر معمولی سرگرمیاں جاری ہیں۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

اسپیکر چوہدری پرویز الٰہی کی ہدایت پر پنجاب اسمبلی میں میڈیا کے داخلے پر پابندی لگادی گئی ہے۔ اسمبلی سیکورٹی نے میڈیا کو اسمبلی کے مین گیٹ پر ہی روک لیا۔ اسمبلی سیکرٹریٹ کے اندر پولیس کی بھاری نفری تعینات کر دی گئی ہے۔

ڈپٹی اسپیکر دوست مزاری کا کہنا ہے کہ پنجاب اسمبلی اجلاس گزٹ نوٹیفکیشن تک نہیں ہوسکتا۔اسمبلی سیکرٹریٹ نوٹیفکیشن کرنے میں غیر آئینی اور غیر قانونی اقدامات کررہا ہے۔

ان کا کہنا ہے کہ جو طاقتیں ایسا کررہی ہیں وہ سب کے سامنے ہیں۔میں قانون کے مطابق کام کروں گا۔اسمبلی سیکرٹریٹ کی غیر سنجیدگی افسوسناک ہے۔اس طرح کے اقدام سے سب کا نقصان ہوگا۔

انہوں نے کہا ہے کہ پرویز الہی خود وزیر اعلی کے امیدوار ہیں سپیکر کے اختیارات میرے پاس ہیں۔میرے دفتر کے عملے کو بھی پریشرائز کرنے کی کوشش کی جارہی ہے۔

واضح رہے کہ وزیر اعلیٰ پنجاب کے انتخاب کے لیے ڈپٹی اسپیکر دوست محمد مزاری نے آج شام ساڑھے سات بجے اجلاس طلب کر رکھا ہے، دوسری جانب ترجمان پنجاب اسمبلی نے آج ہونے والا اجلاس کی تردید کر دی ہے۔

Advertisements
julia rana solicitors

ترجمان نے کہا کہ آج طلب کئے جانے والے اجلاس کو کوئی نوٹیفکیشن نہیں ہوا، اجلاس 16 اپریل کو ہی ہو گا۔

  • merkit.pk
  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply