اسلام آباد: وزیراعظم عمران خان نے نگران وزیراعظم کیلئے سابق چیف جسٹس گلزار احمد کا نام تجویز کیا ہے۔

سابق وفاقی وزیر اور پاکستان تحریک انصاف کے رہنما فواد چودھری نے یہ بات سماجی رابطوں کی ویب سائت ’ٹوئٹر‘ پر جاری کردہ بیان میں بتائی ہے۔

پی ٹی آئی رہنما فواد چودھری کے مطابق صدرنگران وزیراعظم کی تعیناتی کیلئے قومی اسمبلی میں قائد حزب اختلاف میاں شہبازشریف کو خط لکھ چکے ہیں۔

آئین کے تحت عمران خان اورشہبازشریف کوتین دن میں نگران وزیراعظم کیلئے کسی بھی ایک نام پرمتفق ہونا ہوگا۔

پاکستانی آئین و قانون کے مطابق دونوں کے درمیان اتفاق نہ ہونے پرنام پارلیمانی کمیٹی کو بھجوائے جائیں گے، پارلیمانی کمیٹی نے تین دن میں نگران وزیراعظم کے نام کا فیصلہ کرنا ہوگا۔