حمزہ شہباز یا پرویز الہیٰ پنجاب کا نیا وزیر اعلیٰ کون ہوگا؟ فیصلہ آج ہوگا۔

پنجاب اسمبلی آج نئے قائد ایوان کا انتخاب کرے گی۔ پنجاب اسمبلی کا اجلاس کچھ دیر بعد شروع ہوگا۔ جس کا ون پوائنٹ ایجنڈا وزیر اعلیٰ کا انتخاب ہے۔

حمزہ شہباز متحدہ اپوزیشن کے امیدوار ہیں جبکہ پی ٹی آئی اور مسلم لیگ ق کے اتحاد نے پرویز الہیٰ کو نامزد کیا ہے۔

اراکین اسمبلی کو ہدایت کی گئی ہے کہ کوئی بھی رکن اسمبلی ہال کے اندر موبائل فون نہیں لائے گا۔ تمام اراکین سیکیورٹی کے پاس اپنے موبائل جمع کروائیں گے۔

Advertisements

خواتین اراکین کو بھی اپنے ہیڈ بیگ سیکیورٹی کے پاس جمع کروانے کی ہدایت کی گئی ہے۔ اراکین شناختی کارڈ اور اسمبلی کارڈ ہمراہ رکھیں گے۔