بھارت میں 14 شادیاں کرنے والا شخص گرفتار

نئی دہلی: بھارت میں 14 شادیوں کر کے جعلسازی کرنے والے شخص کو گرفتار کر لیا گیا۔

بھارتی میڈیا کے مطابق بھارتی ریاست اوڈیشہ سے تعلق رکھنے والا 60 سالہ شخص بھارت کی 7 مختلف ریاستوں کی 14 خواتین سے شادی کر چکا ہے اور اس پر الزام ہے کہ وہ بیویوں کو چھوڑنے سے قبل ان سے رقم لے کر فرار ہو جاتا ہے۔

پولیس کے مطابق مذکورہ شخص خود کو ڈاکٹر متعارف کراتا اور اعلیٰ تعلیم یافتہ خواتین سے شادی کرتا تھا۔ پیرا ملٹری فورس کی ایک ملازم خاتون بھی اس جعلساز کا شکار بن چکی ہے۔

گرفتار ہونے والے شخص نے 48 سالوں میں 14 شادیاں کیں اور اس نے اپنے اوپر لگنے والے الزامات سے انکار کیا ہے۔ ملزم نے پہلی شادی 1982 میں کی تھی جبکہ 2002 میں دوسری شادی کی۔ جن سے ملزم کے پانچ بچے ہیں۔

پولیس کے مطابق سال 2002 سے 2020 کے درمیان اس شہری نے دیگر خواتین کے ساتھ رشتوں کی ویب سائٹس کے ذریعے دوستی کی اور دیگر بیویوں کے بارے میں بتائے بغیر ان سے شادیاں کیں۔

ملزم اپنی آخری بیوی کے ساتھ بھونیشور میں رہ رہا تھا جو دہلی کے ایک اسکول میں پڑھاتی ہیں۔ ملزم کی دیگر شادیوں کے بارے میں معلوم ہونے کے بعد آخری بیوی نے پولیس میں شکایت درج کرائی تھی۔ ملزم کو کرائے کے مکان سے گرفتار کیا گیا۔

Advertisements
julia rana solicitors

پولیس کے مطابق ملزم درمیانی عمر کی خواتین سے شادی کرتا جن میں سے زیادہ تر طلاق یافتہ ہوتیں۔ یہ وہ خواتین تھیں جو دوبارہ شادی کرنا چاہ رہی تھیں اور ان کو چھوڑنے سے پہلے وہ ان سے رقم وصول کرتا تھا۔

Facebook Comments

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply