• صفحہ اول
  • /
  • خبریں
  • /
  • لاہور: نیو انارکلی میں دھماکہ، 2 افراد جاں بحق، 20 سے زائد زخمی

لاہور: نیو انارکلی میں دھماکہ، 2 افراد جاں بحق، 20 سے زائد زخمی

لاہور: لاہور کے علاقے نیو انارکلی میں دھماکے سے بچے سمیت 2 افراد جاں بحق اور 20 سے زائد افراد زخمی ہو گئے۔

لاہور کے علاقے نیو انار کلی پان منڈی میں دھماکے کے فوری بعد امدادی ٹیمیں اور پولیس موقع پر پہنچ گئیں جبکہ زخمیوں کو فوری طور پر اسپتال منتقل کیا گیا۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

ڈپٹی کمشنر نے نقصان کی تفصیلات بتاتے ہوئے کہا کہ دھماکے میں انسانوں جانوں کے نقصان کے علاوہ 6 موٹرسائیکلیں بھی تباہ ہوئی ہیں جبکہ اردگرد کی دکانوں کو بھی نقصان پہنچا۔ دھماکے کے باعث اطراف میں کھڑی گاڑیوں میں آگ لگ گئی۔

سی سی پی او لاہور نے پولیس کو ریسکیو کارروائیوں میں مدد دینے کی ہدایت کی جبکہ ڈی آئی جی آپریشنز نے کہا کہ دھماکے کی نوعیت کا پتہ لگایا جا رہا ہے اور شواہد اکھٹے کر رہے ہیں۔

میئو اسپتال کے ایم ایس ڈاکٹر افتخار نے زخمیوں کی تصدیق کرتے ہوئے کہا کہ انارکلی دھماکے کے 28 زخمیوں کو میئو اسپتال لایا گیا۔ زخمیوں کی آمد کے ساتھ ہی اسپتال میں ایمرجنسی نافذ کر دی گئی تھی۔

انہوں نے زخمی افراد کی صورتحال پر بات کرتے ہوئے کہا کہ 5 زخمیوں کی حالت انتہائی تشویشناک ہے۔ زخمیوں کو ہر ممکن سہولت فراہم کی جا رہی ہے۔

وزیر اعلیٰ پنجاب عثمان بزدار نے لاہور دھماکے کا نوٹس لیتے ہوئے آئی جی پنجاب سے واقعے کی رپورٹ طلب کرتے ہوئے کہا کہ لاہور دھماکے کی تحقیقات کر کے رپورٹ پیش کی جائے اور زخمیوں کو علاج معالجے کی بہترین سہولتیں فراہم کی جائیں۔

قائد حزب اختلاف شہباز شریف نے لاہور دھماکے کی مذمت کرتے ہوئے کہا کہ لاہور دھماکے سے قیمتی جانی نقصان پر افسوس ہے اور اسلام آباد کے بعد لاہور میں دہشت گردی ملک کے لیے نیک فال نہیں۔

سابق صدر آصف علی زرداری نے دھماکے کا مذمتی بیان جاری کرتے ہوئے کہا کہ حکومت دہشت گردوں کو قانون کی گرفت میں لائے۔

مسلم لیگ ن کی نائب صدر مریم نواز نے لاہور دھماکے کی مذمت کرتے ہوئے کہا کہ اللہ پاکستان پر رحم فرمائے۔

چیئرمین پیپلز پارٹی بلاول بھٹو زرداری نے بھی لاہور بم دھماکے کی مذمت کرتے ہوئے کہا کہ پنجاب حکومت زخمیوں کے فوری بہتر علاج و معالجے کے لیے اقدامات کرے۔

Advertisements
julia rana solicitors

انہوں نے کہا کہ ملک میں دہشت گردی کا عفریت قابو سے باہر ہوتا جا رہا ہے اور عمران خان میں اہلیت نہیں کہ وہ کسی بحران کو حل کر سکیں۔

  • julia rana solicitors
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply