• صفحہ اول
  • /
  • خبریں
  • /
  • اسرائیل کی امارات کو سیکورٹی اور انٹیلی جنس کے شعبوں میں معاونت کی پیشکش

اسرائیل کی امارات کو سیکورٹی اور انٹیلی جنس کے شعبوں میں معاونت کی پیشکش

تل ابیب: اسرائیل نے متحدہ عرب امارات کو سیکورٹی اور انٹیلی جنس کے شعبوں میں معاونت کی پیشکش کردی ہے۔ اسرائیل کی جانب سے یہ پیشکش وزیراعظم نفتالی بینیٹ نے کی ہے۔

خلیج کے معروف نشریاتی ادارے العربیہ نیٹ کے  مطابق اسرائیلی وزیراعطم نفتالی بینیٹ کی جانب سے پیشکش اس وقت کی گئی ہے جب حوثی ملیشیا نے ابوظہبی کو ڈرون حملوں کا نشانہ بنایا ہے۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

العربیہ نیٹ نے اسرائیل کے مؤقر اخبار دی ٹائمز آف اسرائیل کے توسط سے کہا ہے کہ وزیراعظم نفتالی بینیٹ نے کی جانے والی پیشکش کے لیے باضابطہ طور پر ابوظہبی کے ولی عہد شیخ محمد بن زائد النہیان کو خط بھی لکھا ہے۔

اسرائیلی وزیراعظم کی جانب سے لکھا جانے والا خط سماجی رابطوں کی ویب سائٹ ’ٹوئٹر‘ پہ بھی آفیشل اکاؤنٹ سے شیئر کیا گیا ہے۔

اسرائیلی وزیراعظم نفتالی بینیٹ نے اپنے خط میں لکھا ہے کہ اسرائیل انتہا پسند قوتوں کے خلاف جنگ میں آپ کے ساتھ مل کر کام کرنے کے لیے پرعزم ہے۔

وزیراعظم نفتالی بینیٹ نے مؤقف اختیار کیا ہے کہ ہم آپ کو سیکورٹی اور انٹیلی جنس کی معاونت پیش کرنے کوتیار ہیں تاکہ اس طرح کے حملوں سے اپنے شہریوں کو بچانے میں آپ کی مدد ہو سکے۔

نفتالی بینیٹ نے مطابق انہوں نے اسرائیلی سیکورٹی اسٹیبلشمنٹ کو حکم دے دیا ہے کہ وہ متحدہ عرب امارات میں اپنے ہم منصبوں کو اگر وہ چاہیں تو انھیں جو بھی مدد درکارہے، فی الفور فراہم کریں۔

وزیراعظم کے مطابق اسرائیل متحدہ عرب امارات کے ساتھ کھڑا ہے، وہ محمد بن زائد کے ساتھ کھڑے ہیں۔ ان کا کہنا ہے کہ دنیا کو دہشت گردی کے خلاف کھڑا ہونا چاہیے۔

واضح رہے کہ متحدہ عرب امارات میں پیر کے دن ڈرون حملوں کے باعث دو مقامات پر آگ بھڑک اٹھی تھی جس کے نتیجے میں ایک پاکستانی اور دو بھارتی شہری ہلاک ہو ئے تھے جب کہ چھ زخمی ہو گئے تھے۔

حوثی ملیشیا نے حملے کی ذمہ داری قبول کرتے ہوئے کہا کہ اس نے یواے ای میں بڑی بھرپور کارروائی کی ہے۔

Advertisements
julia rana solicitors london

متحدہ عرب امارات کے وزیر خارجہ شیخ عبداللہ بن زائد نے اپنے ردعمل میں اس عزم کا اظہار کیا تھا کہ ذمہ داروں کو سزا دی جائے گی اور انھیں نہیں چھوڑا جائے گا۔

  • merkit.pk
  • julia rana solicitors london
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply