لبنان کی وزارت خارجہ نے ایک بیان جاری کر کے شام کی بندرگاہ لاذقیہ پر حالیہ اسرائیلی فوجی جارحیت کی شدید مذمت کی ہے۔

لبنان کی وزارت خارجہ نے شام کی بندرگاہ لاذقیہ پر اسرائیل کی حالیہ فوجی جارحیت کے حوالے سے ایک بیان جاری کرتے ہوئے اس جارحیت کی شدید مذمت کی ہے۔

رپورٹ کے مطابق لبنان کی وزارت خارجہ نے ایک بیان میں شام کی حکومت اور عوام کے ساتھ اظہار یکجہتی کرتے ہوئے کہا: “یہ ایک حالیہ مہینے میں شام پر اسرائیل کا دوسرا فوجی حملہ ہے اور اس نے ایک بار پھر تل ابیب کا اصل چہرہ بے نقاب کر دیا ہے۔”

قبل ازیں حماس کے ترجمان حازم قاسم نے کل صبح شام کی بندرگاہ لاذقیہ پر اسرائیلی حملے کی شدید مذمت کرتے ہوئے اسے وحشیانہ اور مجرمانہ فعل قرار دیا۔

انہوں نے تاکید کی کہ صرف مزاحمت ہی شام کے خلاف صیہونی دشمن کے جرائم اور حملوں کے تسلسل کو روک سکتی ہے۔ قاسم نے اس بات پر زور دیا کہ یہ حملہ امت اسلامیہ کے خلاف دشمن کی جارحیت کو جاری رکھنے کے لیے ایک کارروائی ہے اور اس امت کے وسائل اور زمینوں کے خلاف قابضین کے جارحانہ رویے کو ظاہر کرتا ہے۔

Advertisements

حازم قاسم نے کہا کہ صیہونی دشمن کی مسلسل اور بار بار جارحیت سے نمٹنے کا واحد راستہ مختلف طریقوں سے مزاحمت کرنا ہے اور ان جرائم کے لیے امت اسلامیہ کی صلاحیتوں کے اتحاد اور جارحیت کے خاتمے کے لیے مزاحمت کی ضرورت ہے۔