• صفحہ اول
  • /
  • خبریں
  • /
  • بھیگے بھیگے دسمبر کی آمد،کل سے بارشیں شروع، برفباری بھی ہو گی

بھیگے بھیگے دسمبر کی آمد،کل سے بارشیں شروع، برفباری بھی ہو گی

طویل خشک سالی کی چھٹی اوربھیگا بھیگا ٹھنڈا ٹھار موسم آنے والا ہے،اس ویک اینڈ پر ملک بھر میں بارش اورپہاڑوں پربرفباری ہوگی۔پنجاب میں سموگ اوردھند چھٹنے کا امکان ہے۔

محکمہ موسمیات کے مطابق ہفتے کی شام اور اتوار کو ڈیرہ غازی خان،لیہ،راجن پور،ملتان،خانیوال،ساہیوال، اوکاڑہ،بہاولنگر، بہاولپور،رحیم یار خان، کراچی، سکھر، لاڑکانہ،شہید بے نظیرآباد،دادو،جامشورو،میرپورخاص، کوئٹہ،زیارت،پشین،ژوب اورگوادر سمیت بلوچستان کے مختلف اضلاع میں موسلا دھار بارش کا امکان ہے،اس دوران پہاڑوں پر سفید موتیوں کی برسات بھی ہوگی۔

FaceLore Pakistan Social Media Site
پاکستان کی بہترین سوشل میڈیا سائٹ: فیس لور www.facelore.com

اتوار کی شام سے منگل تک اسلام آباد،راولپنڈی،لاہور،گوجرانوالہ،سیالکوٹ،نارروال،قصور، اٹک، چکوال،جہلم،منڈی بہائوالدین،سرگودھا،فیصل آباد،جھنگ،آزادکشمیر،گلگت بلتستان،چترال، دیر، سوات، مالاکنڈ، کوہستان، شانگلہ، بونیر،مانسہرہ، ایبٹ آباد، ہری پور، صوابی، مردان، نوشہرہ، پشاور، چارسدہ، باجوڑ،کرم،وزیرستان اورکوہاٹ میں تیزہوائوں کے ساتھ بارش ہوگی۔

محکمہ موسمیات نے سیاحت کے شوقین افراد کےلیے خوشخبری بھی سنائی ہے،اتوار کی رات سے منگل تک ملک کے سیاحتی مقامات مری،گلیات، وادی نیلم، باغ، حویلیاں، راولاکوٹ، ناران، کاغان، ہنزہ، گلگت، اسکردو، استور، چترال، دیر، سوات،مالم جبہ،کوئٹہ، پشین، زیارت، قلعہ عبد اللہ، ہرنائی اور چمن میں برفباری کا امکان ہے۔

بارش سے پنجاب کے شہری علاقوں میں سموگ اوربارانی علاقوں میں پانی کی قلت کا خاتمہ ہوگا۔

محکمہ موسمیات نے الرٹ جاری کیا ہےجس کے مطابق ہفتے اوراتوار کو موسلا دھار بارش کے باعث سبی،بولان، قلات، خضدار، نصیر آباداورکوہلو کے برساتی ندی نالوں میں طغیانی کا خدشہ ہے۔

Advertisements
julia rana solicitors

برفباری کے باعث مری،گلیات، کاغان، ناران، دیر، سوات، چترال، استور، سکردو، ہنزہ، گلگت، نیلم ویلی، باغ اور حویلی کے اضلاع میں رابطہ سڑکیں بند ہوسکتی ہیں۔اس دوران محکمہ موسمیات نے سیاحوں کو محتاط رہنے کی ہدایت کی ہے۔

  • merkit.pk
  • FaceLore Pakistan Social Media Site
    پاکستان کی بہترین سوشل میڈیا سائٹ: فیس لور www.facelore.com
  • julia rana solicitors london
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply