بالی ووڈ اداکار شاہ رخ خان کے بیٹے آریان خان کے مستقبل کے بارے میں بھارت کی معروف نجومی جانوی گور نے حیران کن پیشگوئیاں کی ہیں کہا کہ 2021 ان کے تشکیل نو کا سال ہے-

آریان خان منشیات کیس میں گرفتاری کے بعد حال ہی میں تین ہفتے جیل میں گزار کر آئے ہیں۔ جیل میں گزارا گیا پورا عرصہ ان کے لیے نہایت مشکل تھا آریان خان کے اوپر جیل میں گزارے گئے دنوں کے بہت ہی منفی اثرات مرتب ہوئے ہیں اور ابھی تک ان کی ذہنی کیفیت سنبھل نہیں سکی آریان خان کو جیل سے رہا ہوئے کئی روز گزر چکے ہیں لیکن وہ ابھی تک صدمے میں ہیں۔ آریان خان جب سے جیل سے باہر آئے ہیں وہ زیادہ تر وقت اپنے کمرے میں ہی گزارتے ہیں بالکل چپ چاپ اور خاموش سے ہوگئے ہیں۔

آریان خان گزشتہ روز 12 نومبر کو 24 برس کے ہوگئے خان فیملی نے اپنے بڑے بیٹے کی سالگرہ حال ہی میں ہوئے واقعات کی وجہ سے نہایت خاموشی سے منائی بھارتی میڈیا کے مطابق گزشتہ روز بھارت کی معروف ٹیرو کارڈ ریڈر جانوی گور نے آریان خان کی زندگی اور مستقبل کے حوالے سے کئی حیران کن باتیں بتائی ہیں۔

انہوں نے بتایا آریان خان1997 میں چائینز علم نجوم کے مطابق آکس سال میں پیدا ہوئے اور 2021 بھی ایک آکس سال ہے یہ تبدیلی کا سال ہے اور آریان کی زندگی کی تشکیل نو کا وقت ہے۔

جانوی گور نے بتایا آریان کی زندگی میں توازن 2025 میں آئے گا اور آنے والے 4 برس آریان کی زندگی کے ایسے سال ہوں گے جن میں وہ خود کو تلاش کریں گے یہ ان کے آگہی کے سال ہوں گے۔ آریان کی روح نجات کی تلاش میں ہے۔

ٹیرو کارڈ ریڈرنے کہا آریان خان ایک بہت ہی اچھے گھرانے میں پیدا ہوئے، زندگی نے یقینی طور پر اس تمام عرصے میں انہیں تھوڑا سا پریشان رکھا ہے لیکن آکس سال انہیں حقائق کو جانچنے اور اپنی زندگی کے مقصد کا ادراک کرنے کے لیے مددگار ثابت ہوگا۔

جانوی گور نے آریان کو اپنے سماجی روابط مختصر رکھنے کا مشورہ دیا اور کہا آریان بالی ووڈ اور ہالی ووڈ دونوں میں اپنی قسمت آزمائیں گے لیکن انہیں بڑی کامیابی ایک انسان دوست کے طور پر بطور آرٹسٹ فن کوفروغ دینے سے ملے گی۔ اس کے علاوہ وہ موسیقی میں بھی قسمت آزمائیں گے۔ جانوی گور نے کہا آریان کو اپنی صحت کو پہلی ترجیح دینی چاہئے۔ جم ، یوگا اور رقص یہ سب ان کے لیے بطور تھراپی کام کریں گے۔