کفن کی جیب کہاں ہے؟۔۔ڈاکٹر ستیہ پال آنند

یہ تین دن بہت بھاری ہیں مجھ پہ جانتا ہوں
مجھے یہ علم ہے، تم اپنے اختیارات کے تحت
مری حیات کا اعمال نامہ پرکھو گے
برائیوں کا، گناہوں کا جائزہ لو گے

میں جانتا ہوں فرشتو کہ مجھ پہ لازم ہے
تمہیں بتأؤں کہ اعمال میرے کیسے تھے
جو لین دین تھا، دھندہ تھا، کاروبار مرا
یہ اب میں کیسے کہوں، اس میں کچھ حرام نہ تھا

tripako tours pakistan

یہ تین دن بہت بھاری ہیں، پر مِلک زادو
میں آدمی ہوں، اک حیوان ِ ناطق و ادراک
کہ میں نے عمر گذاری ہے ایسی دنیا میں
جہاں پہ دولت و املاک کے مسائل کو
کسی کچہری میں دام و دِرہم سے حل کرنا
کچھ ایسی بھول بھلیّاں نہیں کہ ہو نہ سکے
کروڑوں، اربوں کی دولت ہے ملکیت میری
اسے میں دینے کو تیّار ہو ں، فرشتو، کہو
مچلکہ ہو کہ ضمانت ہو، کوئی ہُنڈی ہو
مجھے بتاؤ، ادائی میں کس طرح سے کروں
خدا را جھوٹ نہ سمجھو کہ میری جیب میں ہے
یہ گوشوارہ مرے مال و زر کادیکھو تو

Advertisements
merkit.pk

کفن کی جیب کہاں ہے؟کوئی بتائے مجھے

  • merkit.pk
  • merkit.pk

ستیہ پال آنند
شاعر، مصنف اور دھرتی کا سچا بیٹا

بذریعہ فیس بک تبصرہ تحریر کریں

Leave a Reply