کامیاب جوان پروگرام، شوکت ترین نے پھر نوجوانوں کو خوشخبری سنا دی
مشیر خزانہ شوکت ترین کا اسلام آباد کے ایوان صنعت و تجارت میں کامیاب جوان پروگرام کی تقریب سے خطاب میں کہنا تھا کہ وزیراعظم عمران خا ن کو نوجوانوں کی فکر ہے ،ملکی آباد ی کا 60 فیصد 30سال سے کم ہے کسانوں اورکاشت کاروں کو وسائل فراہم کریں گے،انسانی وسائل پر سرمایہ کاری سے ترقی ہوگی،ذاتی گھرکے لیے 27 لاکھ روپے آسان اقساط پرفراہم کریں گے،بڑے بینک کی تربیت ہی نہیں کہ وہ چھوٹے قرض دیں کامیاب جوا ن پروگرام کی بنیاد ہی چھوٹے قرض پر رکھی گئی ٹیکس سے متعلق ایف بی آر کی مداخلت ختم کردی ایف بی آر اورنادرا کا ڈیٹا ایک ہوگیا حکومت نے آرٹی فیشل انٹیلی جنس کا استعمال کرکے ڈیٹا اکٹھا کیا،ودہولڈنگ اوردیگر ٹیکس میرے ہوتے ہوئے نہیں ہوں گے،ٹیکس لینا حکومت کا حق ہے ،
امور نوجوانان کے بارے میں وزیر اعظم کے خصوصی معاون محمد عثمان ڈار نے کہا ہے کہ نوجوانوں کی سماجی معاشی ترقی کے لیے کامیاب جوان پروگرام کے تحت مختلف سکیموں پر کام کیا جا رہا ہے۔ ایک بیان میں انہوں نے کہاکہ تمام سرکاری یونیورسٹیوں میں کامیاب جوان مراکز قائم کیے جا رہے ہیں تاکہ طلباء کو ان کے پیشہ وارانہ امور میں سہولت اور راہنمائی فراہم کی جاسکے۔ انہوں نے کہا کہ کامیاب جوان پروگرام کی یوتھ کاروبار سکیم کے تحت تیس ارب روپے کے آسان قرضوں کی منظوری دی گئی ہے۔ عثمان ڈار نے کہا کہ حکومت نے ہنر مند پاکستان پروگرام کا آغاز کیا ہے جس کے تحت وہ کوئی ایک لاکھ ستر ہزار نوجوانوں کو ہنر مند بنانا چاہتی ہے۔
Facebook Comments
بذریعہ فیس بک تبصرہ تحریر کریں