چین کی شہریوں کو اشیائے ضروریہ ذخیرہ کرنےکی ہدایت

چین کی حکومت نے اپنے شہریوں کو ہدایت کی ہے کہ کسی بھی ہنگامی صورتحال کے پیش نظر ضروری سامان ذخیرہ کرلیں۔

وزارت تجارت کی طرف سے جاری نوٹس میں اشیائے ضروریہ ذخیرہ کرنے کی کوئی وجہ نہیں بتائی گئی۔ تاہم اس سال چین میں شدید بارشوں سے فصلوں کو نقصان پہنچا اور کورونا لاک ڈاؤن کے سبب سپلائی چین بھی متاثر ہوئی ہے۔

tripako tours pakistan

وزارت نے مقامی حکام سے سپلائی چین کو آسانی سے چلانے اور قیمتیں مستحکم رکھنے کی ہدایت بھی کی ہے۔

چین کے اخبار دی اکنامک ڈیلی نے اپنے قارئین سے نہ گھبرانے کی اپیل کرتے ہوئے کہا کہ حکومت کے مشورے کا مقصد اس بات کو یقینی بنانا ہے کہ اگر آپ کے علاقے میں لاک ڈاؤن کا اعلان کیا جائے تو گھر والے تیار ہیں۔

اخبار نے کہا کہ یہ نوٹس غیر معمولی نہیں لیکن یہ اس وقت سبزیوں کی قیمتوں میں اضافے اور حالیہ کوویڈ کیسز کی وجہ سے آیا ہے۔

چین میں موسم سرما کے قریب آتے ہی کھانے کی قیمتیں روایتی طور پر بڑھ جاتی ہیں، لیکن حالیہ ہفتوں میں شدید موسم کی وجہ سے بھی سبزیوں کی قیمتوں میں اضافہ ہوا ہے۔

چین دنیا میں خوراک کی مصنوعات کا سب سے بڑا درآمد کنندہ ہے اور اس کے اہم سپلائرز میں امریکا، کینیڈا اور آسٹریلیا ہیں۔

Advertisements
merkit.pk

خیال رہے کہ چین میں کورونا وائرس سے نمٹنے کے لیے سخت لاک ڈاؤن ہے۔ چین میں پیر کے روز کورونا وائرس کے 92 نئے کیسز رپورٹ ہوئے، اور شنگھائی ڈزنی لینڈ کو کم از کم دو دن کے لیے بند کر دیا گیا ہے۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply