امریکہ اب سپر پاور نہیں رہا، برطانوی وزیر دفاع

لندن: برطانوی وزیر دفاع نے کہا ہے کہ امریکہ اب سپر پاور نہیں رہا۔

غیر ملکی خبر رساں ایجنسی کے مطابق برطانوی وزیر دفاع بین والس نے اپنے ایک انٹرویو میں کہا ہے کہ امریکہ اب صرف بڑی طاقت ضرور ہے لیکن وہ سپر پاور نہیں رہا۔

tripako tours pakistan

بین والس نے کہا کہ جب ایک سپرپاور کسی معاملے پر ڈٹ جانے کے لیے تیار نہ ہو تو وہ پھر سپرپاور نہیں کہلاتی۔ حالیہ چند ہفتوں کے دوران افغانستان میں جو کچھ ہوا وہ دنیا نے دیکھا۔ اس کا بیج امریکی صدر جو بائیڈن کے عہدہ سنبھالنے سے پہلے بویا گیا تھا۔

برطانوی وزیر دفاع نے افغانستان سے امریکی انخلا پر تنقید کرتے ہوئے کہا تھا کہ اگر میری رائے پوچھیں تو دراصل اس کی بنیاد ڈونلڈ ٹرمپ نے ڈالی تھی، صدر بائیڈن کو تو یہ مسئلہ وراثت میں ملا، اس معاہدے سے طالبان کو جو تحریک ملی ہے، اسی وجہ سے وہ سمجھتے ہیں کہ وہ جیت گئے ہیں۔

بین والس امریکی انخلا پر کڑی تنقید کرتے آئے ہیں اور اس کا الزام سابق صدر ڈونلڈ ٹرمپ پر لگا چکے ہیں، ٹرمپ انتظامیہ نے فروری 2020 میں طالبان کے ساتھ ایک معاہدہ کیا تھا جس کے تحت امریکہ مئی 2021 تک اپنی افواج افغانستان سے نکال لے گا، جو بائیڈن انتظامیہ نے اس معاہدے کو برقرار رکھا، البتہ انخلا کے دورانیہ کو بڑھا دیا تھا۔

Advertisements
merkit.pk

اپریل میں بھی والس نے طالبان، ٹرمپ معاہدے کو ایک گلا سڑا اور بوسیدہ معاہدہ قرار دیا تھا۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply