• صفحہ اول
  • /
  • خبریں
  • /
  • بوڑھا ہونے سے کیسے بچا جائے؟ سائنسدانوں نے کھوج لگا لی

بوڑھا ہونے سے کیسے بچا جائے؟ سائنسدانوں نے کھوج لگا لی

اسرائیلی سائنسدانوں نے دعویٰ کیا ہے کہ انہوں نے جسم کے مدافعتی نظام کو عمر رسیدہ کرنے والے عمل کو روکنے اور ریورس کرنے کا طریقہ کار ڈھونڈ نکالا ہے۔

غیر ملکی خبر رساں ادارے کی رپورٹ کے مطابق آن لائن طبی جریدے بلڈ میں شائع ہونے والی تحقیق میں سائنسدانوں نے بتایا ہے کہ انہوں نے یہ جاننے کے لیے کہ کیوں بوڑھے افراد نوجوانوں کے نسبت کوویڈ 19 کا شکار جلدی ہو جاتے ہیں۔

tripako tours pakistan

ٹیکنیون اسرائیل انسٹی ٹیوٹ آف ٹیکنالوجی کے سائنسدانوں نے بتایا کہ اس کی کھوج لگاتے ہوئے معلوم ہوا ہے کہ انسان کے جسم میں بی سیلز جنہیں بی لیمپوسائٹس بھی کہا جاتا ہے جو کسی بھی وائرس کے خلاف مدافعت کا کام کرتے ہیں۔

رپورٹ کے مطابق مذکورہ سیل انسان کی ہڈیوں کے گودے میں موجود ہوتا ہے جو خون کی نالیوں سے ہوتا ہوا لمپ نوڈز اور سپلین میں داخل ہوتا ہے جہاں وہ کسی وائرس کے جسم میں داخل ہونے کا انتظار کرتے ہیں اور اس کے آتے ہیں حملہ کر دیتے ہیں۔

انہوں نے مزید بتایا کہ جوانی کی عمر میں انسان کے سیل بھی جوان ہوتے ہیں اور ان میں یہ صلاحیت موجود ہوتی ہے کہ وہ ہر قسم کے وائرس کو جلد تشخیص کر لیتے ہیں۔

مذکورہ سیلز یا خلیوں کی عمر طویل نہیں ہوتی مگر یہ بڑی مقدار میں بنتے رہتے ہیں۔ بی سیل غائب نہیں ہوتے بلکہ میمری سیل میں تبدیل ہو جاتے ہیں۔ اگر ایک بیماری جو انسان کو پہلے لاحق ہوتی ہے تو دوسری مرتبہ اس بیماری میں مبتلا شخص ان سیلز کی وجہ سے جلد صحت یاب ہو جاتا ہے۔

رپورٹ کے مطابق بوڑھے شخص میں بی سیل کی کمی کی وجہ سے بیماری لاحق ہونے کا خطرہ زیادہ ہوتا ہے۔

سائسندانوں کا کہنا ہے کہ ہم نے وہ وجہ معلوم کر لی ہے جو ہڈیوں کے گودے کو نئے بی خلیات پیدا کرنے سے روکتے ہیں۔

انہوں نے کہا ہے کہ بہت جلد ایسی دوائیں بنا لی جائیں گی جن کی مدد سے بی سیل کی پیداوار کو روکنے والی وجوہات ختم ہو جائیں گی۔

رپورٹ کے مطابق سائنسدانوں نے چند بوڑھے افراد میں بی سیلز کی دوبارہ پیداوار کے لیے کامیاب تجربے کئے ہیں۔

سائنسدانوں کا کہنا ہے کہ ہمیں تحقیق سے معلوم ہے کہ جسم میں موجود سیلز کس طرح ایک دوسرے کے ساتھ رابطے میں رہتے ہیں اور انہیں کیا چیز کنٹرول کرتی ہے۔

Advertisements
merkit.pk

انہوں نے کہا کہ مذکورہ معلومات کی مدد سے ہم بوڑھے افراد میں مختلف بیماریوں کا جلد اور ٹھیک علاج کر سکیں گے۔

  • merkit.pk
  • merkit.pk

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply