اوکاڑہ: گدھوں کی مانگ میں اضافے کے بعد صوبہ پنجاب کی حکومت نے گدھوں کی افزائش نسل کے لیے سرکاری فارم قائم کردیا ہے۔

مقامی میڈیا رپورٹ کے مطابق اوکاڑہ کے سرکاری فارم بہادر نگر میں گدھوں کی افزائش نسل کے لیے حکومت پنجاب کی جانب سے گدھوں کا پہلا سرکاری فارم قائم کردیا گیا ہے۔

سرکاری فارم میں اعلیٰ نسل کے گدھوں کی افزائش نسل کی جائے گی کیونکہ چین سمیت دیگر ممالک کی جانب سے گدھوں کی مانگ میں اضافہ ریکارڈ کیا گیا ہے۔

اس ضمن میں بتایا گیا ہے کہ صوبائی حکومت نے گدھوں کو برآمدات کا فیصلہ کیا ہے۔ صوبائی حکومت نے اس طرح زرمبادلہ کمانے کا فیصلہ کیا ہے۔

1916 میں قائم ہونے والا 3 ہزار50 ایکڑ رقبے پر مشتمل بہادر نگر فارم اوکاڑہ میں اپنی طرز کا پہلا سرکاری فارم ہے جہاں پر امریکہ سمیت کئی دیگر ملکوں کے گدھوں کی اعلیٰ نسل پیدا کی جا رہی ہے۔

Advertisements

اس سلسلے میں اے آر وائی نیوز نے بتایا ہے کہ گدھی کا دودھ اور چمڑہ چین کاسمیٹک مصنوعات اور ادویات کی تیاری میں بھی استعمال کرتا ہے جو نہایت مہنگی فروخت ہوتی ہیں۔