• صفحہ اول
  • /
  • خبریں
  • /
  • 14 اگست تک 40 فیصد آبادی کو ویکسین لگانے کا ہدف ہے، عثمان بزدار

14 اگست تک 40 فیصد آبادی کو ویکسین لگانے کا ہدف ہے، عثمان بزدار

وزیراعلیٰ پنجاب عثمان بزدار کی زیرصدارت ایپکس کمیٹی کا اجلاس ہوا جس میں کورونا کی چوتھی لہر سے نمٹنے کیلئے اقدامات کا جائزہ اور محرم الحرام کے دوران امن و امان برقرار رکھنے کیلئے انتظامات پر غور کیا گیا۔

وزیراعلیٰ پنجاب عثمان بزدار کا کہنا تھا کہ پاک فوج مشکل وقت میں ہمیشہ قوم کے شانہ بشانہ کھڑی رہی ہے۔پنجاب میں 2 کروڑ افراد کو کورونا ویکسین لگائی جا چکی ہے۔،پنجاب میں 24 گھنٹے کے دوران 5 لاکھ 55 ہزار افراد کو کورونا ویکسین لگائی گئی،پنجاب کے 5 بڑے شہروں میں 14 اگست تک 40 فیصد آبادی کو ویکسین لگانے کا ہدف ہے۔

julia rana solicitors

وزیراعلیٰ پنجاب عثمان بزدار کا کہنا تھا کہ ۔سیاسی و عسکری قیادت نے کورونا سے نمٹنے کیلئے مربوط حکمت عملی اپنائی۔

ایپکس کمیٹی نے کوروناسے نمٹنے کےلیے ہر ممکن اقدامات بروئے کار لانے کے عزم کا اظہارکرتے ہوئے اتفاق کیا کہ پنجاب کے زیادہ سے زیادہ شہریوں کی ویکسی نیشن کے عمل کو مزید تیز کیا جائے گا، کورونا ایس او پیز پر عمل یقینی بنانے کیلئے انتظامی اقدامات کیے جائیں گے۔

اپپکس کمیٹی کو بتایا گیا کہ اسپتالوں میں داخل 84 فیصد سے زائد مریضوں نے کورونا ویکسین نہیں لگوائی۔محرم الحرام کے دوران مذہبی ہم آہنگی کے فروغ کیلئے اقدام اٹھایا جائے گا،اسلحہ کی نمائش پر پابندی کے قانون پر بھی عمل کرایا جائے گا

Advertisements
julia rana solicitors

اس موقع پر عسکری قیادت نے کورونا سے نمٹنے کے لیے حکومت کے ساتھ تعاون جاری رکھنے کا عزم کیا،کور کمانڈر لاہور لیفٹیننٹ جنرل محمد عبدالعزیز نے حکومت کی معاونت جاری رکھنے کی یقین دہانی کراتے ہوئے کہا کہ پنجاب حکومت نے کورونا سے نمٹنے کیلئے موثر اقدامات کیے ہیں۔کوروناسے نمٹنے کیلئے حکومت کے ساتھ تعاون جاری رکھیں گے۔

  • merkit.pk
  • julia rana solicitors london
  • julia rana solicitors

خبریں
مکالمہ پر لگنے والی خبریں دیگر زرائع سے لی جاتی ہیں اور مکمل غیرجانبداری سے شائع کی جاتی ہیں۔ کسی خبر کی غلطی کی نشاندہی فورا ایڈیٹر سے کیجئے

بذریعہ فیس بک تبصرہ تحریر کریں

Leave a Reply