(مکالمہ ویب ڈیسک/رپورٹ :قاضی فیض اللہ)درّہ خیبر میں گھر میں دھماکے کے باعث ایک ہی خاندان کے 6 لوگ موقع پر شہید ہوگئے،جبکہ پانچ افراد کو تشویشناک حالت میں ہسپتال منتقل کردیا گیا۔
کچھ دیر پہلے درہ خیبر کے علاقے سدوخیل میں جو کہ پاکستان کے انٹرنیشل کھلاڑی شاہین شاہ آفریدی کا گاؤں ہے، میں ایک گھر میں زوردار دھماکہ ہوا ،جس میں شفیق آفریدی(جو کہ ذہنی معذور تھا) اس کی بیوی دو بیٹے ایک بیٹی اور ایک بھانجی موقع پر شہید ہوگئے ہیں۔بچوں کی عمر 1سال لے کر دس سال کے درمیان بتائی جاتی ہیں ۔باقی پانچ زخمیوں کو فوری طبی امداد کے بعد تشویشناک حالت میں پشاور ہسپتال بھجوا دیا گیا۔
بتایا جاتا ہے کہ بچے قریبی پہاڑی سے کوئی دھماکہ خیز مواد اٹھا کر لائے تھے جو گھر میں پھٹ گیا۔گھر ساتھ لائے گئے مزید دھماکہ خیز مواد(مائین) ابھی تک وہیں پڑے ہیں، جس کو ناکارہ بنانے کےلے گاؤں خالی کر دیا گیا ہے۔
Facebook Comments
بذریعہ فیس بک تبصرہ تحریر کریں